Rig-Veda-Mandala-3

(235)
soma'sya maa ta`vasaM` vakShy a'gne` vahniM' cakartha vi`dathe` yaja'dhyai |
de`vaam+ acChaa` diidya'd yu`~nje adriM' shamaa`ye a'gne ta`nvaM juShasva || {3}{001}{01}
praa~ncaM' ya`j~naM ca'kR^ima` vardha'taaM` giiH sa`midbhi'r a`gniM nama'saa duvasyan |
di`vaH sha'shaasur vi`dathaa' kavii`naaM gR^itsaa'ya cit ta`vase' gaa`tum ii'ShuH || {3}{001}{02}
mayo' dadhe` medhi'raH puu`tada'kSho di`vaH su`bandhu'r ja`nuShaa' pR^ithi`vyaaH |
avi'ndann u darsha`tam a`psv akp ntar de`vaaso' a`gnim a`pasi` svasR^I'Naam || {3}{001}{03}
ava'rdhayan su`bhagaM' sa`pta ya`hviiH shve`taM ja'j~naa`nam a'ru`Sham ma'hi`tvaa |
shishuM` na jaa`tam a`bhy aaru`r ashvaa' de`vaaso' a`gniM jani'man vapuShyan || {3}{001}{04}
shu`krebhi`r a~Ngai` raja' aatata`nvaan kratu'm punaa`naH ka`vibhiH' pa`vitraiH' |
sho`cir vasaa'naH` pary aayu'r a`paaM shriyo' mimiite bR^iha`tiir anuu'naaH || {3}{001}{05}
va`vraajaa' sii`m ana'datii`r ada'bdhaa di`vo ya`hviir ava'saanaa` ana'gnaaH |
sanaa` atra' yuva`tayaH` sayo'nii`r ekaM` garbhaM' dadhire sa`pta vaaNiiH' || {3}{001}{06}
stii`rNaa a'sya saM`hato' vi`shvaruu'paa ghR^i`tasya` yonau' sra`vathe` madhuu'naam |
asthu`r atra' dhe`navaH` pinva'maanaa ma`hii da`smasya' maa`taraa' samii`cii || {3}{001}{07}
ba`bhraa`NaH suu'no sahaso` vy adyau`d dadhaa'naH shu`kraa ra'bha`saa vapuuM'Shi |
shcota'nti` dhaaraa` madhu'no ghR^i`tasya` vR^iShaa` yatra' vaavR^i`dhe kaavye'na || {3}{001}{08}
pi`tush ci`d uudha'r ja`nuShaa' viveda` vy asya` dhaaraa' asR^ija`d vi dhaaH' |
guhaa` cara'ntaM` sakhi'bhiH shi`vebhi'r di`vo ya`hviibhi`r na guhaa' babhuuva || {3}{001}{09}
pi`tush ca` garbhaM' jani`tush ca' babhre puu`rviir eko' adhaya`t piipyaa'naaH |
vR^iShNe' sa`patnii` shuca'ye` saba'ndhuu u`bhe a'smai manu`ShyeKp ni paa'hi || {3}{001}{10}
u`rau ma`haam+ a'nibaa`dhe va'va`rdhaapo' a`gniM ya`shasaH` saM hi puu`rviiH |
R^i`tasya` yonaa'v ashaya`d damuu'naa jaamii`naam a`gnir a`pasi` svasR^I'Naam || {3}{001}{11}
a`kro na ba`bhriH sa'mi`the ma`hiinaaM' didR^i`kSheyaH' suu`nave` bhaaR^i'jiikaH |
ud u`sriyaa` jani'taa` yo ja`jaanaa`paaM garbho` nR^ita'mo ya`hvo a`gniH || {3}{001}{12}
a`paaM garbhaM' darsha`tam oSha'dhiinaaM` vanaa' jajaana su`bhagaa` viruu'pam |
de`vaasa'sh ci`n mana'saa` saM hi ja`gmuH pani'ShThaM jaa`taM ta`vasaM' duvasyan || {3}{001}{13}
bR^i`hanta` id bhaa`navo` bhaaR^i'jiikam a`gniM sa'canta vi`dyuto` na shu`kraaH |
guhe'va vR^i`ddhaM sada'si` sve a`ntar a'paa`ra uu`rve a`mR^itaM` duhaa'naaH || {3}{001}{14}
iiLe' ca tvaa` yaja'maano ha`virbhi`r iiLe' sakhi`tvaM su'ma`tiM nikaa'maH |
de`vair avo' mimiihi` saM ja'ri`tre rakShaa' ca no` damye'bhi`r anii'kaiH || {3}{001}{15}
u`pa`kShe`taara`s tava' supraNii`te .a'gne` vishvaa'ni` dhanyaa` dadhaa'naaH |
su`reta'saa` shrava'saa` tu~nja'maanaa a`bhi Shyaa'ma pR^itanaa`yuum+r ade'vaan || {3}{001}{16}
aa de`vaanaa'm abhavaH ke`tur a'gne ma`ndro vishvaa'ni` kaavyaa'ni vi`dvaan |
prati` martaa'm+ avaasayo` damuu'naa` anu' de`vaan ra'thi`ro yaa'si` saadha'n || {3}{001}{17}
ni du'ro`Ne a`mR^ito` martyaa'naaM` raajaa' sasaada vi`dathaa'ni` saadha'n |
ghR^i`tapra'tiika urvi`yaa vy adyaud a`gnir vishvaa'ni` kaavyaa'ni vi`dvaan || {3}{001}{18}
aa no' gahi sa`khyebhiH' shi`vebhi'r ma`haan ma`hiibhi'r uu`tibhiH' sara`Nyan |
a`sme ra`yim ba'hu`laM saMta'rutraM su`vaaca'm bhaa`gaM ya`shasaM' kR^idhii naH || {3}{001}{19}
e`taa te' agne` jani'maa` sanaa'ni` pra puu`rvyaaya` nuuta'naani vocam |
ma`haanti` vR^iShNe` sava'naa kR^i`temaa janma'~n-janma`n nihi'to jaa`tave'daaH || {3}{001}{20}
janma'~n-janma`n nihi'to jaa`tave'daa vi`shvaami'trebhir idhyate` aja'sraH |
tasya' va`yaM su'ma`tau ya`j~niya`syaapi' bha`dre sau'mana`se syaa'ma || {3}{001}{21}
i`maM ya`j~naM sa'hasaava`n tvaM no' deva`traa dhe'hi sukrato` raraa'NaH |
pra yaM'si hotar bR^iha`tiir iSho` no .a'gne` mahi` dravi'Na`m aa ya'jasva || {3}{001}{22}
iLaa'm agne puru`daMsaM' sa`niM goH sha'shvatta`maM hava'maanaaya saadha |
syaan naH' suu`nus tana'yo vi`jaavaagne` saa te' suma`tir bhuu'tv a`sme || {3}{001}{23}


(236)
vai`shvaa`na`raaya' dhi`ShaNaa'm R^itaa`vR^idhe' ghR^i`taM na puu`tam a`gnaye' janaamasi |
dvi`taa hotaa'ra`m manu'Shash ca vaa`ghato' dhi`yaa rathaM` na kuli'shaH` sam R^i'Nvati || {3}{002}{01}
sa ro'cayaj ja`nuShaa` roda'sii u`bhe sa maa`tror a'bhavat pu`tra iiDyaH' |
ha`vya`vaaL a`gnir a`jara`sh cano'hito duu`Labho' vi`shaam ati'thir vi`bhaava'suH || {3}{002}{02}
kratvaa` dakSha'sya` taru'Sho` vidha'rmaNi de`vaaso' a`gniM ja'nayanta` citti'bhiH |
ru`ru`caa`nam bhaa`nunaa` jyoti'Shaa ma`haam atyaM` na vaajaM' sani`Shyann upa' bruve || {3}{002}{03}
aa ma`ndrasya' sani`Shyanto` vare'NyaM vR^iNii`mahe` ahra'yaM` vaaja'm R^i`gmiya'm |
raa`tim bhR^iguu'Naam u`shijaM' ka`vikra'tum a`gniM raaja'ntaM di`vya' sho`ciShaa' || {3}{002}{04}
a`gniM su`mnaaya' dadhire pu`ro janaa` vaaja'shravasam i`ha vR^i`ktaba'rhiShaH |
ya`tasru'caH su`rucaM' vi`shvade'vyaM ru`draM ya`j~naanaaM` saadha'diShTim a`pasaa'm || {3}{002}{05}
paava'kashoce` tava` hi kShaya`m pari` hota'r ya`j~neShu' vR^i`ktaba'rhiSho` naraH' |
agne` duva' i`cChamaa'naasa` aapya`m upaa'sate` dravi'NaM dhehi` tebhyaH' || {3}{002}{06}
aa roda'sii apR^iNa`d aa svar ma`haj jaa`taM yad e'nam a`paso` adhaa'rayan |
so a'dhva`raaya` pari' Niiyate ka`vir atyo` na vaaja'saataye` cano'hitaH || {3}{002}{07}
na`ma`syata' ha`vyadaa'tiM svadhva`raM du'va`syata` damyaM' jaa`tave'dasam |
ra`thiir R^i`tasya' bR^iha`to vica'rShaNir a`gnir de`vaanaa'm abhavat pu`rohi'taH || {3}{002}{08}
ti`sro ya`hvasya' sa`midhaH` pari'jmano .a`gner a'punann u`shijo` amR^i'tyavaH |
taasaa`m ekaa`m ada'dhu`r martye` bhuja'm u lo`kam u` dve upa' jaa`mim ii'yatuH || {3}{002}{09}
vi`shaaM ka`viM vi`shpati`m maanu'Shii`r iShaH` saM sii'm akR^iNva`n svadhi'tiM` na teja'se |
sa u`dvato' ni`vato' yaati` vevi'Sha`t sa garbha'm e`Shu bhuva'neShu diidharat || {3}{002}{10}
sa ji'nvate ja`Thare'Shu prajaj~ni`vaan vR^iShaa' ci`treShu` naana'da`n na siM`haH |
vai`shvaa`na`raH pR^i'thu`paajaa` ama'rtyo` vasu` ratnaa` daya'maano` vi daa`shuShe' || {3}{002}{11}
vai`shvaa`na`raH pra`tnathaa` naaka`m aaru'had di`vas pR^i`ShTham bhanda'maanaH su`manma'bhiH |
sa puu'rva`vaj ja`naya'~n ja`ntave` dhanaM' samaa`nam ajma`m pary e'ti` jaagR^i'viH || {3}{002}{12}
R^i`taavaa'naM ya`j~niyaM` vipra'm u`kthyakp m aa yaM da`dhe maa'ta`rishvaa' di`vi kShaya'm |
taM ci`trayaa'maM` hari'kesham iimahe sudii`tim a`gniM su'vi`taaya` navya'se || {3}{002}{13}
shuciM` na yaama'nn iShi`raM sva`rdR^ishaM' ke`tuM di`vo ro'cana`sthaam u'Sha`rbudha'm |
a`gnim muu`rdhaanaM' di`vo apra'tiShkutaM` tam ii'mahe` nama'saa vaa`jina'm bR^i`hat || {3}{002}{14}
ma`ndraM hotaa'raM` shuci`m adva'yaavinaM` damuu'nasam u`kthyaM vi`shvaca'rShaNim |
rathaM` na ci`traM vapu'Shaaya darsha`tam manu'rhitaM` sada`m id raa`ya ii'mahe || {3}{002}{15}


(237)
vai`shvaa`na`raaya' pR^ithu`paaja'se` vipo` ratnaa' vidhanta dha`ruNe'Shu` gaata've |
a`gnir hi de`vaam+ a`mR^ito' duva`syaty athaa` dharmaa'Ni sa`nataa` na duu'duShat || {3}{003}{01}
a`ntar duu`to roda'sii da`sma ii'yate` hotaa` niSha'tto` manu'ShaH pu`rohi'taH |
kShaya'm bR^i`hanta`m pari' bhuuShati` dyubhi'r de`vebhi'r a`gnir i'Shi`to dhi`yaava'suH || {3}{003}{02}
ke`tuM ya`j~naanaaM' vi`datha'sya` saadha'naM` vipraa'so a`gnim ma'hayanta` citti'bhiH |
apaaM'si` yasmi`nn adhi' saMda`dhur gira`s tasmi'n su`mnaani` yaja'maana` aa ca'ke || {3}{003}{03}
pi`taa ya`j~naanaa`m asu'ro vipa`shcitaaM' vi`maana'm a`gnir va`yunaM' ca vaa`ghataa'm |
aa vi'vesha` roda'sii` bhuuri'varpasaa purupri`yo bha'ndate` dhaama'bhiH ka`viH || {3}{003}{04}
ca`ndram a`gniM ca`ndrara'thaM` hari'vrataM vaishvaana`ram a'psu`ShadaM' sva`rvida'm |
vi`gaa`haM tuurNiM` tavi'Shiibhi`r aavR^i'ta`m bhuurNiM' de`vaasa' i`ha su`shriyaM' dadhuH || {3}{003}{05}
a`gnir de`vebhi`r manu'Shash ca ja`ntubhi's tanvaa`no ya`j~nam pu'ru`pesha'saM dhi`yaa |
ra`thiir a`ntar ii'yate` saadha'diShTibhir jii`ro damuu'naa abhishasti`caata'naH || {3}{003}{06}
agne` jara'sva svapa`tya aayu'ny uu`rjaa pi'nvasva` sam iSho' didiihi naH |
vayaaM'si jinva bR^iha`tash ca' jaagR^iva u`shig de`vaanaa`m asi' su`kratu'r vi`paam || {3}{003}{07}
vi`shpatiM' ya`hvam ati'thiM` naraH` sadaa' ya`ntaaraM' dhii`naam u`shijaM' ca vaa`ghataa'm |
a`dhva`raaNaaM` ceta'naM jaa`tave'dasa`m pra shaM'santi` nama'saa juu`tibhi'r vR^i`dhe || {3}{003}{08}
vi`bhaavaa' de`vaH su`raNaH` pari' kShi`tiir a`gnir ba'bhuuva` shava'saa su`madra'thaH |
tasya' vra`taani' bhuuripo`ShiNo' va`yam upa' bhuuShema` dama` aa su'vR^i`ktibhiH' || {3}{003}{09}
vaishvaa'nara` tava` dhaamaa`ny aa ca'ke` yebhiH' sva`rvid abha'vo vicakShaNa |
jaa`ta aapR^i'No` bhuva'naani` roda'sii` agne` taa vishvaa' pari`bhuur a'si` tmanaa' || {3}{003}{10}
vai`shvaa`na`rasya' daM`sanaa'bhyo bR^i`had ari'Naa`d ekaH' svapa`syayaa' ka`viH |
u`bhaa pi`taraa' ma`haya'nn ajaayataa`gnir dyaavaa'pR^ithi`vii bhuuri'retasaa || {3}{003}{11}


(238)
sa`mit-sa'mit su`manaa' bodhy a`sme shu`caa-shu'caa suma`tiM raa'si` vasvaH' |
aa de'va de`vaan ya`jathaa'ya vakShi` sakhaa` sakhii'n su`manaa' yakShy agne || {3}{004}{01}
yaM de`vaasa`s trir aha'nn aa`yaja'nte di`ve-di've` varu'No mi`tro a`gniH |
semaM ya`j~nam madhu'mantaM kR^idhii na`s tanuu'napaad ghR^i`tayo'niM vi`dhanta'm || {3}{004}{02}
pra diidhi'tir vi`shvavaa'raa jigaati` hotaa'ram i`LaH pra'tha`maM yaja'dhyai |
acChaa` namo'bhir vR^iSha`bhaM va`ndadhyai` sa de`vaan ya'kShad iShi`to yajii'yaan || {3}{004}{03}
uu`rdhvo vaaM' gaa`tur a'dhva`re a'kaary uu`rdhvaa sho`ciiMShi` prasthi'taa` rajaaM'si |
di`vo vaa` naabhaa` ny asaadi` hotaa' stR^iNii`mahi' de`vavya'caa` vi ba`rhiH || {3}{004}{04}
sa`pta ho`traaNi` mana'saa vR^iNaa`naa inva'nto` vishva`m prati' yann R^i`ta' |
nR^i`pesha'so vi`dathe'Shu` pra jaa`taa a`bhiiKp maM ya`j~naM vi ca'ranta puu`rviiH || {3}{004}{05}
aa bhanda'maane u`Shasaa` upaa'ke u`ta sma'yete ta`nvaaKp viruu'pe |
yathaa' no mi`tro varu'No` jujo'Sha`d indro' ma`rutvaa'm+ u`ta vaa` maho'bhiH || {3}{004}{06}
daivyaa` hotaa'raa pratha`maa ny R^i~nje sa`pta pR^i`kShaasaH' sva`dhayaa' madanti |
R^i`taM shaMsa'nta R^i`tam it ta aa'hu`r anu' vra`taM vra'ta`paa diidhyaa'naaH || {3}{004}{07}
aa bhaara'tii` bhaara'tiibhiH sa`joShaa` iLaa' de`vair ma'nu`Shyebhir a`gniH |
sara'svatii saarasva`tebhi'r a`rvaak ti`sro de`viir ba`rhir edaM sa'dantu || {3}{004}{08}
tan na's tu`riipa`m adha' poShayi`tnu deva' tvaShTa`r vi ra'raa`NaH sya'sva |
yato' vii`raH ka'rma`NyaH su`dakSho' yu`ktagraa'vaa` jaaya'te de`vakaa'maH || {3}{004}{09}
vana'spa`te .a'va sR^i`jopa' de`vaan a`gnir ha`viH sha'mi`taa suu'dayaati |
sed u` hotaa' sa`tyata'ro yajaati` yathaa' de`vaanaaM` jani'maani` veda' || {3}{004}{10}
aa yaa'hy agne samidhaa`no a`rvaa~N indre'Na de`vaiH sa`rathaM' tu`rebhiH' |
ba`rhir na' aastaa`m adi'tiH supu`traa svaahaa' de`vaa a`mR^itaa' maadayantaam || {3}{004}{11}


(239)
praty a`gnir u`Shasa`sh ceki'taa`no .a'bodhi` vipraH' pada`viiH ka'vii`naam |
pR^i`thu`paajaa' deva`yadbhiH` sami`ddho .a'pa` dvaaraa` tama'so` vahni'r aavaH || {3}{005}{01}
pred v a`gnir vaa'vR^idhe` stome'bhir gii`rbhi sto'tR^I`NaaM na'ma`sya u`kthaiH |
puu`rviir R^i`tasya' saM`dR^isha'sh cakaa`naH saM duu`to a'dyaud u`Shaso' viro`ke || {3}{005}{02}
adhaa'yy a`gnir maanu'ShiiShu vi`kShv akp paaM garbho' mi`tra R^i`ta` saadha'n |
aa ha'rya`to ya'ja`taH saanv a'sthaa`d abhuu'd u` vipro` havyo' matii`naam || {3}{005}{03}
mi`tro a`gnir bha'vati` yat sami'ddho mi`tro hotaa` varu'No jaa`tave'daaH |
mi`tro a'dhva`ryur i'Shi`ro damuu'naa mi`traH sindhuu'naam u`ta parva'taanaam || {3}{005}{04}
paati' pri`yaM ri`po agra'm pa`daM veH paati' ya`hvash cara'NaM` suurya'sya |
paati` naabhaa' sa`ptashii'rShaaNam a`gniH paati' de`vaanaa'm upa`maada'm R^i`ShvaH || {3}{005}{05}
R^i`bhush ca'kra` iiDyaM` caaru` naama` vishvaa'ni de`vo va`yunaa'ni vi`dvaan |
sa`sasya` carma' ghR^i`tava't pa`daM ves tad id a`gnii ra'kSha`ty apra'yucChan || {3}{005}{06}
aa yoni'm a`gnir ghR^i`tava'ntam asthaat pR^i`thupra'gaaNam u`shanta'm ushaa`naH |
diidyaa'naH` shuci'r R^i`ShvaH paa'va`kaH punaH'-punar maa`taraa` navya'sii kaH || {3}{005}{07}
sa`dyo jaa`ta oSha'dhiibhir vavakShe` yadii` vardha'nti pra`svo ghR^i`ta' |
aapa' iva pra`vataa` shumbha'maanaa uru`Shyad a`gniH pi`tror u`pasthe' || {3}{005}{08}
ud u' ShTu`taH sa`midhaa' ya`hvo a'dyau`d varShma'n di`vo adhi` naabhaa' pR^ithi`vyaaH |
mi`tro a`gnir iiDyo' maata`rishvaa duu`to va'kShad ya`jathaa'ya de`vaan || {3}{005}{09}
ud a'stambhiit sa`midhaa` naaka'm R^i`Shvo .a`gnir bhava'nn utta`mo ro'ca`naanaa'm |
yadii` bhR^igu'bhyaH` pari' maata`rishvaa` guhaa` santaM' havya`vaahaM' samii`dhe || {3}{005}{10}
iLaa'm agne puru`daMsaM' sa`niM goH sha'shvatta`maM hava'maanaaya saadha |
syaan naH' suu`nus tana'yo vi`jaavaagne` saa te' suma`tir bhuu'tv a`sme || {3}{005}{11}


(240)
pra kaa'ravo mana`naa va`cyamaa'naa deva`driiciiM' nayata deva`yantaH' |
da`kShi`Naa`vaaD vaa`jinii` praacy e'ti ha`vir bhara'nty a`gnaye' ghR^i`taacii' || {3}{006}{01}
aa roda'sii apR^iNaa` jaaya'maana u`ta pra ri'kthaa` adha` nu pra'yajyo |
di`vash ci'd agne mahi`naa pR^i'thi`vyaa va`cyantaaM' te` vahna'yaH sa`ptaji'hvaaH || {3}{006}{02}
dyaush ca' tvaa pR^ithi`vii ya`j~niyaa'so` ni hotaa'raM saadayante` damaa'ya |
yadii` visho` maanu'Shiir deva`yantiiH` praya'svatii`r iiLa'te shu`kram a`rciH || {3}{006}{03}
ma`haan sa`dhasthe' dhru`va aa niSha'tto .a`ntar dyaavaa` maahi'ne` harya'maaNaH |
aaskre' sa`patnii' a`jare` amR^i'kte saba`rdughe' urugaa`yasya' dhe`nuu || {3}{006}{04}
vra`taa te' agne maha`to ma`haani` tava` kratvaa` roda'sii` aa ta'tantha |
tvaM duu`to a'bhavo` jaaya'maana`s tvaM ne`taa vR^i'Shabha carShaNii`naam || {3}{006}{05}
R^i`tasya' vaa ke`shinaa' yo`gyaabhi'r ghR^ita`snuvaa` rohi'taa dhu`ri dhi'Shva |
athaa va'ha de`vaan de'va` vishvaa'n svadhva`raa kR^i'Nuhi jaatavedaH || {3}{006}{06}
di`vash ci`d aa te' rucayanta ro`kaa u`Sho vi'bhaa`tiir anu' bhaasi puu`rviiH |
a`po yad a'gna u`shadha`g vane'Shu` hotu'r ma`ndrasya' pa`naya'nta de`vaaH || {3}{006}{07}
u`rau vaa` ye a`ntari'kShe` mada'nti di`vo vaa` ye ro'ca`ne santi' de`vaaH |
uumaa' vaa` ye su`havaa'so` yaja'traa aayemi`re ra`thyo agne` ashvaaH' || {3}{006}{08}
aibhi'r agne sa`rathaM' yaahy a`rvaa~N naa'naara`thaM vaa' vi`bhavo` hy ashvaaH' |
patnii'vatas triM`shataM` triiMsh ca' de`vaan a'nuShva`dham aa va'ha maa`daya'sva || {3}{006}{09}
sa hotaa` yasya` roda'sii cid u`rvii ya`j~naM-ya'j~nam a`bhi vR^i`dhe gR^i'Nii`taH |
praacii' adhva`reva' tasthatuH su`meke' R^i`taava'rii R^i`tajaa'tasya sa`tye || {3}{006}{10}
iLaa'm agne puru`daMsaM' sa`niM goH sha'shvatta`maM hava'maanaaya saadha |
syaan naH' suu`nus tana'yo vi`jaavaagne` saa te' suma`tir bhuu'tv a`sme || {3}{006}{11}


(241)
pra ya aa`ruH shi'tipR^i`ShThasya' dhaa`ser aa maa`taraa' vivishuH sa`pta vaaNiiH' |
pa`ri`kShitaa' pi`taraa` saM ca'rete` pra sa'rsraate dii`rgham aayuH' pra`yakShe' || {3}{007}{01}
di`vakSha'so dhe`navo` vR^iShNo` ashvaa' de`viir aa ta'sthau` madhu'ma`d vaha'ntiiH |
R^i`tasya' tvaa` sada'si kShema`yanta`m pary ekaa' carati varta`niM gauH || {3}{007}{02}
aa sii'm arohat su`yamaa` bhava'ntiiH` pati'sh ciki`tvaan ra'yi`vid ra'yii`Naam |
pra niila'pR^iShTho ata`sasya' dhaa`ses taa a'vaasayat puru`dhapra'tiikaH || {3}{007}{03}
mahi' tvaa`ShTram uu`rjaya'ntiir aju`ryaM sta'bhuu`yamaa'naM va`hato' vahanti |
vy a~Nge'bhir didyutaa`naH sa`dhastha` ekaa'm iva` roda'sii` aa vi'vesha || {3}{007}{04}
jaa`nanti` vR^iShNo' aru`Shasya` sheva'm u`ta bra`dhnasya` shaasa'ne raNanti |
di`vo`rucaH' su`ruco` roca'maanaa` iLaa` yeShaaM` gaNyaa` maahi'naa` giiH || {3}{007}{05}
u`to pi`tR^ibhyaa'm pra`vidaanu` ghoSha'm ma`ho ma`hadbhyaa'm anayanta shuu`Sham |
u`kShaa ha` yatra` pari` dhaana'm a`ktor anu` svaM dhaama' jari`tur va`vakSha' || {3}{007}{06}
a`dhva`ryubhiH' pa`~ncabhiH' sa`pta vipraaH' pri`yaM ra'kShante` nihi'tam pa`daM veH |
praa~nco' madanty u`kShaNo' aju`ryaa de`vaa de`vaanaa`m anu` hi vra`taa guH || {3}{007}{07}
daivyaa` hotaa'raa pratha`maa ny R^i~nje sa`pta pR^i`kShaasaH' sva`dhayaa' madanti |
R^i`taM shaMsa'nta R^i`tam it ta aa'hu`r anu' vra`taM vra'ta`paa diidhyaa'naaH || {3}{007}{08}
vR^i`Shaa`yante' ma`he atyaa'ya puu`rviir vR^iShNe' ci`traaya' ra`shmayaH' suyaa`maaH |
deva' hotar ma`ndrata'rash ciki`tvaan ma`ho de`vaan roda'sii` eha va'kShi || {3}{007}{09}
pR^i`kShapra'yajo draviNaH su`vaacaH' suke`tava' u`Shaso' re`vad uu'ShuH |
u`to ci'd agne mahi`naa pR^i'thi`vyaaH kR^i`taM ci`d aH` sam ma`he da'shasya || {3}{007}{10}
iLaa'm agne puru`daMsaM' sa`niM goH sha'shvatta`maM hava'maanaaya saadha |
syaan naH' suu`nus tana'yo vi`jaavaagne` saa te' suma`tir bhuu'tv a`sme || {3}{007}{11}


(242)
a`~njanti` tvaam a'dhva`re de'va`yanto` vana'spate` madhu'naa` daivye'na |
yad uu`rdhvas tiShThaa` dravi'Ne`ha dha'ttaa`d yad vaa` kShayo' maa`tur a`syaa u`pasthe' || {3}{008}{01}
sami'ddhasya` shraya'maaNaH pu`rastaa`d brahma' vanvaa`no a`jaraM' su`viira'm |
aa`re a`smad ama'ti`m baadha'maana` uc Chra'yasva maha`te saubha'gaaya || {3}{008}{02}
uc Chra'yasva vanaspate` varShma'n pR^ithi`vyaa adhi' |
sumi'tii mii`yamaa'no` varco' dhaa ya`j~navaa'hase || {3}{008}{03}
yuvaa' su`vaasaaH` pari'viita` aagaa`t sa u` shreyaa'n bhavati` jaaya'maanaH |
taM dhiiraa'saH ka`vaya` un na'yanti svaa`dhyoKp mana'saa deva`yantaH' || {3}{008}{04}
jaa`to jaa'yate sudina`tve ahnaaM' sama`rya aa vi`dathe` vardha'maanaH |
pu`nanti` dhiiraa' a`paso' manii`Shaa de'va`yaa vipra` ud i'yarti` vaaca'm || {3}{008}{05}
yaan vo` naro' deva`yanto' nimi`myur vana'spate` svadhi'tir vaa ta`takSha' |
te de`vaasaH` svara'vas tasthi`vaaMsaH' pra`jaava'd a`sme di'dhiShantu` ratna'm || {3}{008}{06}
ye vR^i`kNaaso` adhi` kShami` nimi'taaso ya`tasru'caH |
te no' vyantu` vaaryaM' deva`traa kShe'tra`saadha'saH || {3}{008}{07}
aa`di`tyaa ru`draa vasa'vaH sunii`thaa dyaavaa`kShaamaa' pR^ithi`vii a`ntari'kSham |
sa`joSha'so ya`j~nam a'vantu de`vaa uu`rdhvaM kR^i'Nvantv adhva`rasya' ke`tum || {3}{008}{08}
haM`saa i'va shri`sho yataa'naaH shu`kraa vasaa'naaH` svara'vo na` aaguH' |
u`nnii`yamaa'naaH ka`vibhiH' pu`rastaa'd de`vaa de`vaanaa`m api' yanti` paathaH' || {3}{008}{09}
shR^i~Ngaa'Nii`vec ChR^i`~NgiNaaM` saM da'dR^ishre ca`Shaala'vantaH` svara'vaH pR^ithi`vyaam |
vaa`ghadbhi'r vaa viha`ve shroSha'maaNaa a`smaam+ a'vantu pR^ita`naajye'Shu || {3}{008}{10}
vana'spate sha`tava'lsho` vi ro'ha sa`hasra'valshaa` vi va`yaM ru'hema |
yaM tvaam a`yaM svadhi'ti`s teja'maanaH praNi`naaya' maha`te saubha'gaaya || {3}{008}{11}


(243)
sakhaa'yas tvaa vavR^imahe de`vam martaa'sa uu`taye' |
a`paaM napaa'taM su`bhagaM' su`diidi'tiM su`pratuu'rtim ane`hasa'm || {3}{009}{01}
kaaya'maano va`naa tvaM yan maa`tR^Ir aja'gann a`paH |
na tat te' agne pra`mR^iShe' ni`varta'naM` yad duu`re sann i`haabha'vaH || {3}{009}{02}
ati' tR^i`ShTaM va'vakShi`thaathai`va su`manaa' asi |
pra-praa`nye yanti` pary a`nya aa'sate` yeShaaM' sa`khye asi' shri`taH || {3}{009}{03}
ii`yi`vaaMsa`m ati` sridhaH` shashva'tii`r ati' sa`shcataH' |
anv ii'm avindan nici`raaso' a`druho' .a`psu siM`ham i'va shri`tam || {3}{009}{04}
sa`sR^i`vaaMsa'm iva` tmanaa`gnim i`tthaa ti`rohi'tam |
ainaM' nayan maata`rishvaa' paraa`vato' de`vebhyo' mathi`tam pari' || {3}{009}{05}
taM tvaa` martaa' agR^ibhNata de`vebhyo' havyavaahana |
vishvaa`n yad ya`j~naam+ a'bhi`paasi' maanuSha` tava` kratvaa' yaviShThya || {3}{009}{06}
tad bha`draM tava' daM`sanaa` paakaa'ya cic Chadayati |
tvaaM yad a'gne pa`shavaH' sa`maasa'te` sami'ddham apisharva`re || {3}{009}{07}
aa ju'hotaa svadhva`raM shii`ram paa'va`kasho'ciSham |
aa`shuM duu`tam a'ji`ram pra`tnam iiDyaM' shru`ShTii de`vaM sa'paryata || {3}{009}{08}
triiNi' sha`taa trii sa`hasraa'Ny a`gniM triM`shac ca' de`vaa nava' caasaparyan |
aukSha'n ghR^i`tair astR^i'Nan ba`rhir a'smaa` aad id dhotaa'raM` ny asaadayanta || {3}{009}{09}


(244)
tvaam a'gne manii`ShiNaH' sa`mraajaM' carShaNii`naam |
de`vam martaa'sa indhate` sam a'dhva`re || {3}{010}{01}
tvaaM ya`j~neShv R^i`tvija`m agne` hotaa'ram iiLate |
go`paa R^i`tasya' diidihi` sve dame' || {3}{010}{02}
sa ghaa` yas te` dadaa'shati sa`midhaa' jaa`tave'dase |
so a'gne dhatte su`viiryaM` sa pu'Shyati || {3}{010}{03}
sa ke`tur a'dhva`raaNaa'm a`gnir de`vebhi`r aa ga'mat |
a`~njaa`naH sa`pta hotR^i'bhir ha`viShma'te || {3}{010}{04}
pra hotre' puu`rvyaM vaco' .a`gnaye' bharataa bR^i`hat |
vi`paaM jyotiiM'Shi` bibhra'te` na ve`dhase' || {3}{010}{05}
a`gniM va'rdhantu no` giro` yato` jaaya'ta u`kthyaH |
ma`he vaajaa'ya` dravi'Naaya darsha`taH || {3}{010}{06}
agne` yaji'ShTho adhva`re de`vaan de'vaya`te ya'ja |
hotaa' ma`ndro vi raa'ja`sy ati` sridhaH' || {3}{010}{07}
sa naH' paavaka diidihi dyu`mad a`sme su`viirya'm |
bhavaa' sto`tR^ibhyo` anta'maH sva`staye' || {3}{010}{08}
taM tvaa` vipraa' vipa`nyavo' jaagR^i`vaaMsaH` sam i'ndhate |
ha`vya`vaaha`m ama'rtyaM saho`vR^idha'm || {3}{010}{09}


(245)
a`gnir hotaa' pu`rohi'to .adhva`rasya` vica'rShaNiH |
sa ve'da ya`j~nam aa'nu`Shak || {3}{011}{01}
sa ha'vya`vaaL ama'rtya u`shig duu`tash cano'hitaH |
a`gnir dhi`yaa sam R^i'Nvati || {3}{011}{02}
a`gnir dhi`yaa sa ce'tati ke`tur ya`j~nasya' puu`rvyaH |
arthaM` hy asya ta`raNi' || {3}{011}{03}
a`gniM suu`nuM sana'shrutaM` saha'so jaa`tave'dasam |
vahniM' de`vaa a'kR^iNvata || {3}{011}{04}
adaa'bhyaH purae`taa vi`shaam a`gnir maanu'ShiiNaam |
tuurNii` rathaH` sadaa` navaH' || {3}{011}{05}
saa`hvaan vishvaa' abhi`yujaH` kratu'r de`vaanaa`m amR^i'ktaH |
a`gnis tu`vishra'vastamaH || {3}{011}{06}
a`bhi prayaaM'si` vaaha'saa daa`shvaam+ a'shnoti` martyaH' |
kShaya'm paava`kasho'ciShaH || {3}{011}{07}
pari` vishvaa'ni` sudhi'taa`gner a'shyaama` manma'bhiH |
vipraa'so jaa`tave'dasaH || {3}{011}{08}
agne` vishvaa'ni` vaaryaa` vaaje'Shu saniShaamahe |
tve de`vaasa` eri're || {3}{011}{09}


(246)
indraa'gnii` aa ga'taM su`taM gii`rbhir nabho` vare'Nyam |
a`sya paa'taM dhi`yeShi`taa || {3}{012}{01}
indraa'gnii jari`tuH sacaa' ya`j~no ji'gaati` ceta'naH |
a`yaa paa'tam i`maM su`tam || {3}{012}{02}
indra'm a`gniM ka'vi`cChadaa' ya`j~nasya' juu`tyaa vR^i'Ne |
taa soma'sye`ha tR^i'mpataam || {3}{012}{03}
to`shaa vR^i'tra`haNaa' huve sa`jitvaa`naapa'raajitaa |
i`ndraa`gnii vaa'ja`saata'maa || {3}{012}{04}
pra vaa'm arcanty u`kthino' niithaa`vido' jari`taaraH' |
indraa'gnii` iSha` aa vR^i'Ne || {3}{012}{05}
indraa'gnii nava`tim puro' daa`sapa'tniir adhuunutam |
saa`kam eke'na` karma'Naa || {3}{012}{06}
indraa'gnii` apa'sa`s pary upa` pra ya'nti dhii`tayaH' |
R^i`tasya' pa`thyaaKp anu' || {3}{012}{07}
indraa'gnii tavi`ShaaNi' vaaM sa`dhasthaa'ni` prayaaM'si ca |
yu`vor a`ptuuryaM' hi`tam || {3}{012}{08}
indraa'gnii roca`naa di`vaH pari` vaaje'Shu bhuuShathaH |
tad vaaM' ceti` pra vii`ryam || {3}{012}{09}


(247)
pra vo' de`vaayaa`gnaye` barhi'ShTham arcaasmai |
gama'd de`vebhi`r aa sa no` yaji'ShTho ba`rhir aa sa'dat || {3}{013}{01}
R^i`taavaa` yasya` roda'sii` dakShaM` saca'nta uu`tayaH' |
ha`viShma'nta`s tam ii'Late` taM sa'ni`Shyanto .a'vase || {3}{013}{02}
sa ya`ntaa vipra' eShaaM` sa ya`j~naanaa`m athaa` hi ShaH |
a`gniM taM vo' duvasyata` daataa` yo vani'taa ma`gham || {3}{013}{03}
sa naH` sharmaa'Ni vii`taye' .a`gnir ya'cChatu` shaMta'maa |
yato' naH pru`ShNava`d vasu' di`vi kShi`tibhyo' a`psv aa || {3}{013}{04}
dii`di`vaaMsa`m apuu'rvyaM` vasvii'bhir asya dhii`tibhiH' |
R^ikvaa'No a`gnim i'ndhate` hotaa'raM vi`shpatiM' vi`shaam || {3}{013}{05}
u`ta no` brahma'nn aviSha u`ktheShu' deva`huuta'maH |
shaM naH' shocaa ma`rudvR^i`dho .a'gne sahasra`saata'maH || {3}{013}{06}
nuu no' raasva sa`hasra'vat to`kava't puShTi`mad vasu' |
dyu`mad a'gne su`viiryaM` varShi'ShTha`m anu'pakShitam || {3}{013}{07}


(248)
aa hotaa' ma`ndro vi`dathaa'ny asthaat sa`tyo yajvaa' ka`vita'maH` sa ve`dhaaH |
vi`dyudra'thaH` saha'sas pu`tro a`gniH sho`ciShke'shaH pR^ithi`vyaam paajo' ashret || {3}{014}{01}
ayaa'mi te` nama.a'uktiM juShasva` R^itaa'va`s tubhyaM` ceta'te sahasvaH |
vi`dvaam+ aa va'kShi vi`duSho` ni Sha'tsi` madhya` aa ba`rhir uu`taye' yajatra || {3}{014}{02}
drava'taaM ta u`Shasaa' vaa`jaya'ntii` agne` vaata'sya pa`thyaabhi`r acCha' |
yat sii'm a`~njanti' puu`rvyaM ha`virbhi`r aa va`ndhure'va tasthatur duro`Ne || {3}{014}{03}
mi`trash ca` tubhyaM` varu'NaH saha`svo .a'gne` vishve' ma`rutaH' su`mnam a'rcan |
yac Cho`ciShaa' sahasas putra` tiShThaa' a`bhi kShi`tiiH pra`thaya`n suuryo` nR^In || {3}{014}{04}
va`yaM te' a`dya ra'ri`maa hi kaama'm uttaa`naha'staa` nama'sopa`sadya' |
yaji'ShTha` mana'saa yakShi de`vaan asre'dhataa` manma'naa` vipro' agne || {3}{014}{05}
tvad dhi pu'tra sahaso` vi puu`rviir de`vasya` yanty uu`tayo` vi vaajaaH' |
tvaM de'hi saha`sriNaM' ra`yiM no' .adro`gha` vaca'saa sa`tyam a'gne || {3}{014}{06}
tubhyaM' dakSha kavikrato` yaanii`maa deva` martaa'so adhva`re aka'rma |
tvaM vishva'sya su`ratha'sya bodhi` sarvaM` tad a'gne amR^ita svade`ha || {3}{014}{07}


(249)
vi paaja'saa pR^i`thunaa` shoshu'caano` baadha'sva dvi`Sho ra`kShaso` amii'vaaH |
su`sharma'No bR^iha`taH sharma'Ni syaam a`gner a`haM su`hava'sya` praNii'tau || {3}{015}{01}
tvaM no' a`syaa u`Shaso` vyuShTau` tvaM suura` udi'te bodhi go`paaH |
janme'va` nityaM` tana'yaM juShasva` stoma'm me agne ta`nvaa sujaata || {3}{015}{02}
tvaM nR^i`cakShaa' vR^iSha`bhaanu' puu`rviiH kR^i`ShNaasv a'gne aru`Sho vi bhaa'hi |
vaso` neShi' ca` parShi` caaty aMhaH' kR^i`dhii no' raa`ya u`shijo' yaviShTha || {3}{015}{03}
aShaa'Lho agne vR^iSha`bho di'diihi` puro` vishvaaH` saubha'gaa saMjigii`vaan |
ya`j~nasya' ne`taa pra'tha`masya' paa`yor jaata'vedo bR^iha`taH su'praNiite || {3}{015}{04}
acChi'draa` sharma' jaritaH pu`ruuNi' de`vaam+ acChaa` diidyaa'naH sume`dhaaH |
ratho` na sasni'r a`bhi va'kShi` vaaja`m agne` tvaM roda'sii naH su`meke' || {3}{015}{05}
pra pii'paya vR^iShabha` jinva` vaajaa`n agne` tvaM roda'sii naH su`doghe' |
de`vebhi'r deva su`rucaa' rucaa`no maa no` marta'sya durma`tiH pari' ShThaat || {3}{015}{06}
iLaa'm agne puru`daMsaM' sa`niM goH sha'shvatta`maM hava'maanaaya saadha |
syaan naH' suu`nus tana'yo vi`jaavaagne` saa te' suma`tir bhuu'tv a`sme || {3}{015}{07}


(250)
a`yam a`gniH su`viirya`syeshe' ma`haH saubha'gasya |
raa`ya ii'she svapa`tyasya` goma'ta` iishe' vR^itra`hathaa'naam || {3}{016}{01}
i`maM na'ro marutaH sashcataa` vR^idhaM` yasmi`n raayaH` shevR^i'dhaasaH |
a`bhi ye santi` pR^ita'naasu duu`Dhyo vi`shvaahaa` shatru'm aada`bhuH || {3}{016}{02}
sa tvaM no' raa`yaH shi'shiihi` miiDhvo' agne su`viirya'sya |
tuvi'dyumna` varShi'ShThasya pra`jaava'to .anamii`vasya' shu`ShmiNaH' || {3}{016}{03}
cakri`r yo vishvaa` bhuva'naa`bhi saa'sa`hish cakri'r de`veShv aa duvaH' |
aa de`veShu` yata'ta` aa su`viirya` aa shaMsa' u`ta nR^i`Naam || {3}{016}{04}
maa no' a`gne .a'mataye` maaviira'taayai riiradhaH |
maagotaa'yai sahasas putra` maa ni`de .a'pa` dveShaaM`sy aa kR^i'dhi || {3}{016}{05}
sha`gdhi vaaja'sya subhaga pra`jaava`to .a'gne bR^iha`to a'dhva`re |
saM raa`yaa bhuuya'saa sR^ija mayo`bhunaa` tuvi'dyumna` yasha'svataa || {3}{016}{06}

(251)
sa`mi`dhyamaa'naH pratha`maanu` dharmaa` sam a`ktubhi'r ajyate vi`shvavaa'raH |
sho`ciShke'sho ghR^i`tani'rNik paava`kaH su'ya`j~no a`gnir ya`jathaa'ya de`vaan || {3}{017}{01}
yathaaya'jo ho`tram a'gne pR^ithi`vyaa yathaa' di`vo jaa'tavedash ciki`tvaan |
e`vaana' ha`viShaa' yakShi de`vaan ma'nu`Shvad ya`j~nam pra ti're`mam a`dya || {3}{017}{02}
triiNy aayuuM'Shi` tava' jaatavedas ti`sra aa`jaanii'r u`Shasa's te agne |
taabhi'r de`vaanaa`m avo' yakShi vi`dvaan athaa' bhava` yaja'maanaaya` shaM yoH || {3}{017}{03}
a`gniM su'dii`tiM su`dR^ishaM' gR^i`Nanto' nama`syaama`s tveDyaM' jaatavedaH |
tvaaM duu`tam a'ra`tiM ha'vya`vaahaM' de`vaa a'kR^iNvann a`mR^ita'sya` naabhi'm || {3}{017}{04}
yas tvad dhotaa` puurvo' agne` yajii'yaan dvi`taa ca` sattaa' sva`dhayaa' ca sha`mbhuH |
tasyaanu` dharma` pra ya'jaa ciki`tvo .a'tha no dhaa adhva`raM de`vavii'tau || {3}{017}{05}


(252)
bhavaa' no agne su`manaa` upe'tau` sakhe'va` sakhye' pi`tare'va saa`dhuH |
pu`ru`druho` hi kShi`tayo` janaa'naa`m prati' pratii`ciir da'hataa`d araa'tiiH || {3}{018}{01}
tapo` Shv agne` anta'raam+ a`mitraa`n tapaa` shaMsa`m ara'ruShaH` para'sya |
tapo' vaso cikitaa`no a`cittaa`n vi te' tiShThantaam a`jaraa' a`yaasaH' || {3}{018}{02}
i`dhmaa'gna i`cChamaa'no ghR^i`ta' ju`homi' ha`vyaM tara'se` balaa'ya |
yaava`d iishe` brahma'Naa` vanda'maana i`maaM dhiyaM' shata`seyaa'ya de`viim || {3}{018}{03}
uc Cho`ciShaa' sahasas putra stu`to bR^i`had vayaH' shashamaa`neShu' dhehi |
re`vad a'gne vi`shvaami'treShu` shaM yor ma'rmR^i`jmaa te' ta`nvakp m bhuuri` kR^itvaH' || {3}{018}{04}
kR^i`dhi ratnaM' susanita`r dhanaa'naaM` sa ghed a'gne bhavasi` yat sami'ddhaH |
sto`tur du'ro`Ne su`bhaga'sya re`vat sR^i`praa ka`rasnaa' dadhiShe` vapuuM'Shi || {3}{018}{05}


(253)
a`gniM hotaa'ra`m pra vR^i'Ne mi`yedhe` gR^itsaM' ka`viM vi'shva`vida`m amuu'ram |
sa no' yakShad de`vataa'taa` yajii'yaan raa`ye vaajaa'ya vanate ma`ghaani' || {3}{019}{01}
pra te' agne ha`viShma'tiim iya`rmy acChaa' sudyu`mnaaM raa`tiniiM' ghR^i`taacii'm |
pra`da`kShi`Nid de`vataa'tim uraa`NaH saM raa`tibhi`r vasu'bhir ya`j~nam a'shret || {3}{019}{02}
sa tejii'yasaa` mana'saa` tvota' u`ta shi'kSha svapa`tyasya' shi`kShoH |
agne' raa`yo nR^ita'masya` prabhuu'tau bhuu`yaama' te suShTu`taya'sh ca` vasvaH' || {3}{019}{03}
bhuurii'Ni` hi tve da'dhi`re anii`kaagne' de`vasya` yajya'vo` janaa'saH |
sa aa va'ha de`vataa'tiM yaviShTha` shardho` yad a`dya di`vyaM yajaa'si || {3}{019}{04}
yat tvaa` hotaa'ram a`naja'n mi`yedhe' niShaa`daya'nto ya`jathaa'ya de`vaaH |
sa tvaM no' agne .avi`teha bo`dhy adhi` shravaaM'si dhehi nas ta`nuuShu' || {3}{019}{05}


(254)
a`gnim u`Shasa'm a`shvinaa' dadhi`kraaM vyuShTiShu havate` vahni'r u`kthaiH |
su`jyoti'Sho naH shR^iNvantu de`vaaH sa`joSha'so adhva`raM vaa'vashaa`naaH || {3}{020}{01}
agne` trii te` vaaji'naa` trii Sha`dhasthaa' ti`sras te' ji`hvaa R^i'tajaata puu`rviiH |
ti`sra u' te ta`nvo de`vavaa'taa`s taabhi'r naH paahi` giro` apra'yucChan || {3}{020}{02}
agne` bhuurii'Ni` tava' jaatavedo` deva' svadhaavo .a`mR^ita'sya` naama' |
yaash ca' maa`yaa maa`yinaaM' vishvaminva` tve puu`rviiH saM'da`dhuH pR^i'ShTabandho || {3}{020}{03}
a`gnir ne`taa bhaga' iva kShitii`naaM daivii'naaM de`va R^i'tu`paa R^i`taavaa' |
sa vR^i'tra`haa sa`nayo' vi`shvave'daaH` parSha`d vishvaati' duri`taa gR^i`Nanta'm || {3}{020}{04}
da`dhi`kraam a`gnim u`ShasaM' ca de`viim bR^iha`spatiM' savi`taaraM' ca de`vam |
a`shvinaa' mi`traavaru'Naa` bhagaM' ca` vasuu'n ru`draam+ aa'di`tyaam+ i`ha hu've || {3}{020}{05}


(255)
i`maM no' ya`j~nam a`mR^ite'Shu dhehii`maa ha`vyaa jaa'tavedo juShasva |
sto`kaanaa'm agne` meda'so ghR^i`tasya` hotaH` praashaa'na pratha`mo ni`Shadya' || {3}{021}{01}
ghR^i`tava'ntaH paavaka te sto`kaa shco'tanti` meda'saH |
svadha'rman de`vavii'taye` shreShThaM' no dhehi` vaarya'm || {3}{021}{02}
tubhyaM' sto`kaa ghR^i'ta`shcuto .a'gne` vipraa'ya santya |
R^iShiH` shreShThaH` sam i'dhyase ya`j~nasya' praavi`taa bha'va || {3}{021}{03}
tubhyaM' shcotanty adhrigo shaciiva sto`kaaso' agne` meda'so ghR^i`tasya' |
ka`vi`sha`sto bR^i'ha`taa bhaa`nunaagaa' ha`vyaa ju'Shasva medhira || {3}{021}{04}
oji'ShThaM te madhya`to meda` udbhR^i'ta`m pra te' va`yaM da'daamahe |
shcota'nti te vaso sto`kaa adhi' tva`ci prati` taan de'va`sho vi'hi || {3}{021}{05}


(256)
a`yaM so a`gnir yasmi`n soma`m indraH' su`taM da`dhe ja`Thare' vaavashaa`naH |
sa`ha`sriNaM` vaaja`m atyaM` na saptiM' sasa`vaan san stuu'yase jaatavedaH || {3}{022}{01}
agne` yat te' di`vi varcaH' pR^ithi`vyaaM yad oSha'dhiiShv a`psv aa ya'jatra |
yaa`ntari'kSham u`rv aata`tantha' tve`ShaH sa bhaa`nur a'rNa`vo nR^i`cakShaaH' || {3}{022}{02}
agne' di`vo arNa`m acChaa' jigaa`sy acChaa' de`vaam+ uu'ciShe` dhiShNyaa` ye |
yaa ro'ca`ne pa`rastaa`t suurya'sya` yaash caa`vastaa'd upa`tiShTha'nta` aapaH' || {3}{022}{03}
pu`rii`Shyaaso a`gnayaH' praava`NebhiH' sa`joSha'saH |
ju`ShantaaM' ya`j~nam a`druho' .anamii`vaa iSho' ma`hiiH || {3}{022}{04}
iLaa'm agne puru`daMsaM' sa`niM goH sha'shvatta`maM hava'maanaaya saadha |
syaan naH' suu`nus tana'yo vi`jaavaagne` saa te' suma`tir bhuu'tv a`sme || {3}{022}{05}


(257)
nirma'thitaH` sudhi'ta` aa sa`dhasthe` yuvaa' ka`vir a'dhva`rasya' praNe`taa |
juurya'tsv a`gnir a`jaro` vane`Shv atraa' dadhe a`mR^itaM' jaa`tave'daaH || {3}{023}{01}
ama'nthiShTaa`m bhaara'taa re`vad a`gniM de`vashra'vaa de`vavaa'taH su`dakSha'm |
agne` vi pa'shya bR^iha`taabhi raa`yeShaaM no' ne`taa bha'vataa`d anu` dyuun || {3}{023}{02}
dasha` kShipaH' puu`rvyaM sii'm ajiijana`n sujaa'tam maa`tR^iShu' pri`yam |
a`gniM stu'hi daivavaa`taM de'vashravo` yo janaa'naa`m asa'd va`shii || {3}{023}{03}
ni tvaa' dadhe` vara` aa pR^i'thi`vyaa iLaa'yaas pa`de su'dina`tve ahnaa'm |
dR^i`Shadva'tyaa`m maanu'Sha aapa`yaayaaM` sara'svatyaaM re`vad a'gne didiihi || {3}{023}{04}
iLaa'm agne puru`daMsaM' sa`niM goH sha'shvatta`maM hava'maanaaya saadha |
syaan naH' suu`nus tana'yo vi`jaavaagne` saa te' suma`tir bhuu'tv a`sme || {3}{023}{05}


(258)
agne` saha'sva` pR^ita'naa a`bhimaa'tii`r apaa'sya |
du`ShTara`s tara`nn araa'tii`r varco' dhaa ya`j~navaa'hase || {3}{024}{01}
agna' i`Laa sam i'dhyase vii`tiho'tro` ama'rtyaH |
ju`Shasva` suu no' adhva`ram || {3}{024}{02}
agne' dyu`mna' jaagR^ive` saha'saH suunav aahuta |
edam ba`rhiH sa'do` mama' || {3}{024}{03}
agne` vishve'bhir a`gnibhi'r de`vebhi'r mahayaa` giraH' |
ya`j~neShu` ya u' caa`yavaH' || {3}{024}{04}
agne` daa daa`shuShe' ra`yiM vii`rava'nta`m parii'Nasam |
shi`shii`hi naH' suunu`mataH' || {3}{024}{05}


(259)
agne' di`vaH suu`nur a'si` prace'taa`s tanaa' pR^ithi`vyaa u`ta vi`shvave'daaH |
R^idha'g de`vaam+ i`ha ya'jaa cikitvaH || {3}{025}{01}
a`gniH sa'noti vii`ryaaNi vi`dvaan sa`noti` vaaja'm a`mR^itaa'ya` bhuuSha'n |
sa no' de`vaam+ eha va'haa purukSho || {3}{025}{02}
a`gnir dyaavaa'pR^ithi`vii vi`shvaja'nye` aa bhaa'ti de`vii a`mR^ite` amuu'raH |
kShaya`n vaajaiH' purushca`ndro namo'bhiH || {3}{025}{03}
agna` indra'sh ca daa`shuSho' duro`Ne su`taava'to ya`j~nam i`hopa' yaatam |
ama'rdhantaa soma`peyaa'ya devaa || {3}{025}{04}
agne' a`paaM sam i'dhyase duro`Ne nityaH' suuno sahaso jaatavedaH |
sa`dhasthaa'ni ma`haya'maana uu`tii || {3}{025}{05}


(260)
vai`shvaa`na`ram mana'saa`gniM ni`caayyaa' ha`viShma'nto anuSha`tyaM sva`rvida'm |
su`daanuM' de`vaM ra'thi`raM va'suu`yavo' gii`rbhii ra`NvaM ku'shi`kaaso' havaamahe || {3}{026}{01}
taM shu`bhram a`gnim ava'se havaamahe vaishvaana`ram maa'ta`rishvaa'nam u`kthyam |
bR^iha`spati`m manu'Sho de`vataa'taye` vipraM` shrotaa'ra`m ati'thiM raghu`Shyada'm || {3}{026}{02}
ashvo` na kranda`~n jani'bhiH` sam i'dhyate vaishvaana`raH ku'shi`kebhi'r yu`ge-yu'ge |
sa no' a`gniH su`viiryaM` svashvyaM` dadhaa'tu` ratna'm a`mR^ite'Shu` jaagR^i'viH || {3}{026}{03}
pra ya'ntu` vaajaa`s tavi'Shiibhir a`gnayaH' shu`bhe sammi'shlaaH` pR^iSha'tiir ayukShata |
bR^i`ha`dukSho' ma`ruto' vi`shvave'dasaH` pra ve'payanti` parva'taa`m+ adaa'bhyaaH || {3}{026}{04}
a`gni`shriyo' ma`ruto' vi`shvakR^i'ShTaya` aa tve`Sham u`gram ava' iimahe va`yam |
te svaa`nino' ru`driyaa' va`rShani'rNijaH siM`haa na he`Shakra'tavaH su`daana'vaH || {3}{026}{05}
vraataM'-vraataM ga`NaM-ga'NaM susha`stibhi'r a`gner bhaama'm ma`rutaa`m oja' iimahe |
pR^iSha'dashvaaso anava`bhraraa'dhaso` gantaa'ro ya`j~naM vi`dathe'Shu` dhiiraaH' || {3}{026}{06}
a`gnir a'smi` janma'naa jaa`tave'daa ghR^i`tam me` cakShu'r a`mR^ita'm ma aa`san |
a`rkas tri`dhaatuu` raja'so vi`maano .a'jasro gha`rmo ha`vir a'smi` naama' || {3}{026}{07}
tri`bhiH pa`vitrai`r apu'po`d dhy akp rkaM hR^i`daa ma`tiM jyoti`r anu' prajaa`nan |
varShi'ShThaM` ratna'm akR^ita sva`dhaabhi`r aad id dyaavaa'pR^ithi`vii pary a'pashyat || {3}{026}{08}
sha`tadhaa'ra`m utsa`m akShii'yamaaNaM vipa`shcita'm pi`taraM` vaktvaa'naam |
me`Lim mada'ntam pi`tror u`pasthe` taM ro'dasii pipR^itaM satya`vaaca'm || {3}{026}{09}


(261)
pra vo` vaajaa' a`bhidya'vo ha`viShma'nto ghR^i`taacyaa' |
de`vaa~n ji'gaati sumna`yuH || {3}{027}{01}
iiLe' a`gniM vi'pa`shcitaM' gi`raa ya`j~nasya` saadha'nam |
shru`ShTii`vaanaM' dhi`taavaa'nam || {3}{027}{02}
agne' sha`kema' te va`yaM yamaM' de`vasya' vaa`jinaH' |
ati` dveShaaM'si tarema || {3}{027}{03}
sa`mi`dhyamaa'no adhva`re .a`gniH paa'va`ka iiDyaH' |
sho`ciShke'sha`s tam ii'mahe || {3}{027}{04}
pR^i`thu`paajaa` ama'rtyo ghR^i`tani'rNi`k svaahutaH |
a`gnir ya`j~nasya' havya`vaaT || {3}{027}{05}
taM sa`baadho' ya`tasru'ca i`tthaa dhi`yaa ya`j~nava'ntaH |
aa ca'krur a`gnim uu`taye' || {3}{027}{06}
hotaa' de`vo ama'rtyaH pu`rastaa'd eti maa`yayaa' |
vi`dathaa'ni praco`daya'n || {3}{027}{07}
vaa`jii vaaje'Shu dhiiyate .adhva`reShu` pra Nii'yate |
vipro' ya`j~nasya` saadha'naH || {3}{027}{08}
dhi`yaa ca'kre` vare'Nyo bhuu`taanaaM` garbha`m aa da'dhe |
dakSha'sya pi`taraM` tanaa' || {3}{027}{09}
ni tvaa' dadhe` vare'NyaM` dakSha'sye`Laa sa'haskR^ita |
agne' sudii`tim u`shija'm || {3}{027}{10}
a`gniM ya`ntura'm a`ptura'm R^i`tasya` yoge' va`nuShaH' |
vipraa` vaajaiH` sam i'ndhate || {3}{027}{11}
uu`rjo napaa'tam adhva`re dii'di`vaaMsa`m upa` dyavi' |
a`gnim ii'Le ka`vikra'tum || {3}{027}{12}
ii`Lyo' nama`syas ti`ras tamaaM'si darsha`taH |
sam a`gnir i'dhyate` vR^iShaa' || {3}{027}{13}
vR^iSho' a`gniH sam i'dhya`te .a'shvo` na de'va`vaaha'naH |
taM ha`viShma'nta iiLate || {3}{027}{14}
vR^iSha'NaM tvaa va`yaM vR^i'Sha`n vR^iSha'NaH` sam i'dhiimahi |
agne` diidya'tam bR^i`hat || {3}{027}{15}


(262)
agne' ju`Shasva' no ha`viH pu'ro`LaashaM' jaatavedaH |
praa`taH`saa`ve dhi'yaavaso || {3}{028}{01}
pu`ro`Laa a'gne paca`tas tubhyaM' vaa ghaa` pari'ShkR^itaH |
taM ju'Shasva yaviShThya || {3}{028}{02}
agne' vii`hi pu'ro`Laasha`m aahu'taM ti`roa'hnyam |
saha'saH suu`nur a'sy adhva`re hi`taH || {3}{028}{03}
maadhyaM'dine` sava'ne jaatavedaH puro`Laasha'm i`ha ka've juShasva |
agne' ya`hvasya` tava' bhaaga`dheyaM` na pra mi'nanti vi`dathe'Shu` dhiiraaH' || {3}{028}{04}
agne' tR^i`tiiye` sava'ne` hi kaani'ShaH puro`LaashaM' sahasaH suuna`v aahu'tam |
athaa' de`veShv a'dhva`raM vi'pa`nyayaa` dhaa ratna'vantam a`mR^ite'Shu` jaagR^i'vim || {3}{028}{05}
agne' vR^idhaa`na aahu'tim puro`LaashaM' jaatavedaH |
ju`Shasva' ti`roa'hnyam || {3}{028}{06}


(263)
astii`dam a'dhi`mantha'na`m asti' pra`jana'naM kR^i`tam |
e`taaM vi`shpatnii`m aa bha'raa`gnim ma'nthaama puu`rvathaa' || {3}{029}{01}
a`raNyo`r nihi'to jaa`tave'daa` garbha' iva` sudhi'to ga`rbhiNii'Shu |
di`ve-di'va` iiDyo' jaagR^i`vadbhi'r ha`viShma'dbhir manu`Shyebhir a`gniH || {3}{029}{02}
u`ttaa`naayaa`m ava' bharaa ciki`tvaan sa`dyaH pravii'taa` vR^iSha'NaM jajaana |
a`ru`Shastuu'po` rusha'd asya` paaja` iLaa'yaas pu`tro va`yune' .ajaniShTa || {3}{029}{03}
iLaa'yaas tvaa pa`de va`yaM naabhaa' pR^ithi`vyaa adhi' |
jaata'vedo` ni dhii'ma`hy agne' ha`vyaaya` voLha've || {3}{029}{04}
mantha'taa naraH ka`vim adva'yanta`m prace'tasam a`mR^itaM' su`pratii'kam |
ya`j~nasya' ke`tum pra'tha`mam pu`rastaa'd a`gniM na'ro janayataa su`sheva'm || {3}{029}{05}
yadii` mantha'nti baa`hubhi`r vi ro'ca`te .a'shvo` na vaa`jy aru`Sho vane`Shv aa |
ci`tro na yaama'nn a`shvino`r ani'vR^itaH` pari' vR^iNa`kty ashma'na`s tR^iNaa` daha'n || {3}{029}{06}
jaa`to a`gnii ro'cate` ceki'taano vaa`jii vipraH' kavisha`staH su`daanuH' |
yaM de`vaasa` iiDyaM' vishva`vidaM' havya`vaaha`m ada'dhur adhva`reShu' || {3}{029}{07}
siida' hotaH` sva u' lo`ke ci'ki`tvaan saa`dayaa' ya`j~naM su'kR^i`tasya` yonau' |
de`vaa`viir de`vaan ha`viShaa' yajaa`sy agne' bR^i`had yaja'maane` vayo' dhaaH || {3}{029}{08}
kR^i`Nota' dhuu`maM vR^iSha'NaM sakhaa`yo .a'sredhanta itana` vaaja`m acCha' |
a`yam a`gniH pR^i'tanaa`ShaaT su`viiro` ya' de`vaaso` asa'hanta` dasyuu'n || {3}{029}{09}
a`yaM te` yoni'r R^i`tviyo` yato' jaa`to aro'cathaaH |
taM jaa`nann a'gna` aa sii`daathaa' no vardhayaa` giraH' || {3}{029}{10}
tanuu`napaa'd ucyate` garbha' aasu`ro naraa`shaMso' bhavati` yad vi`jaaya'te |
maa`ta`rishvaa` yad ami'miita maa`tari` vaata'sya` sargo' abhava`t sarii'maNi || {3}{029}{11}
su`ni`rmathaa` nirma'thitaH suni`dhaa nihi'taH ka`viH |
agne' svadhva`raa kR^i'Nu de`vaan de'vaya`te ya'ja || {3}{029}{12}
ajii'janann a`mR^ita`m martyaa'so .asre`maaNaM' ta`raNiM' vii`Luja'mbham |
dasha` svasaa'ro a`gruvaH' samii`ciiH pumaaM'saM jaa`tam a`bhi saM ra'bhante || {3}{029}{13}
pra sa`ptaho'taa sana`kaad a'rocata maa`tur u`pasthe` yad asho'ca`d uudha'ni |
na ni mi'Shati su`raNo' di`ve-di've` yad asu'rasya ja`Tharaa`d ajaa'yata || {3}{029}{14}
a`mi`traa`yudho' ma`rutaa'm iva pra`yaaH pra'thama`jaa brahma'No` vishva`m id vi'duH |
dyu`mnava`d brahma' kushi`kaasa` eri'ra` eka'-eko` dame' a`gniM sam ii'dhire || {3}{029}{15}
yad a`dya tvaa' praya`ti ya`j~ne a`smin hota'sh ciki`tvo .a'vR^iNiimahii`ha |
dhru`vam a'yaa dhru`vam u`taasha'miShThaaH prajaa`nan vi`dvaam+ upa' yaahi` soma'm || {3}{029}{16}


(264)
i`cChanti' tvaa so`myaasaH` sakhaa'yaH su`nvanti` somaM` dadha'ti` prayaaM'si |
titi'kShante a`bhisha'stiM` janaa'naa`m indra` tvad aa kash ca`na hi pra'ke`taH || {3}{030}{01}
na te' duu`re pa'ra`maa ci`d rajaaM`sy aa tu pra yaa'hi harivo` hari'bhyaam |
sthi`raaya` vR^iShNe` sava'naa kR^i`temaa yu`ktaa graavaa'NaH samidhaa`ne a`gnau || {3}{030}{02}
indraH' su`shipro' ma`ghavaa` taru'tro ma`haavraa'tas tuvikuu`rmir R^ighaa'vaan |
yad u`gro dhaa baa'dhi`to martye'Shu` kvakp tyaa te' vR^iShabha vii`ryaaNi || {3}{030}{03}
tvaM hi Shmaa' cyaa`vaya`nn acyu'taa`ny eko' vR^i`traa cara'si` jighna'maanaH |
tava` dyaavaa'pR^ithi`vii parva'taa`so .a'nu vra`taaya` nimi'teva tasthuH || {3}{030}{04}
u`taabha'ye puruhuuta` shravo'bhi`r eko' dR^i`Lham a'vado vR^itra`haa san |
i`me ci'd indra` roda'sii apaa`re yat saM'gR^i`bhNaa ma'ghavan kaa`shir it te' || {3}{030}{05}
pra suu ta' indra pra`vataa` hari'bhyaa`m pra te` vajraH' pramR^i`Nann e'tu` shatruu'n |
ja`hi pra'tii`co a'nuu`caH paraa'co` vishvaM' sa`tyaM kR^i'Nuhi vi`ShTam a'stu || {3}{030}{06}
yasmai` dhaayu`r ada'dhaa` martyaa`yaabha'ktaM cid bhajate ge`hyakp M saH |
bha`draa ta' indra suma`tir ghR^i`taacii' sa`hasra'daanaa puruhuuta raa`tiH || {3}{030}{07}
sa`hadaa'num puruhuuta kShi`yanta'm aha`stam i'ndra` sam pi'Na`k kuNaa'rum |
a`bhi vR^i`traM vardha'maana`m piyaa'rum a`paada'm indra ta`vasaa' jaghantha || {3}{030}{08}
ni saa'ma`naam i'Shi`raam i'ndra` bhuumi'm ma`hiim a'paa`raaM sada'ne sasattha |
asta'bhnaa`d dyaaM vR^i'Sha`bho a`ntari'kSha`m arSha`ntv aapa`s tvaye`ha prasuu'taaH || {3}{030}{09}
a`laa`tR^i`No va`la i'ndra vra`jo goH pu`raa hanto`r bhaya'maano` vy aara |
su`gaan pa`tho a'kR^iNon ni`raje` gaaH praava`n vaaNiiH' puruhuu`taM dhama'ntiiH || {3}{030}{10}
eko` dve vasu'matii samii`cii indra` aa pa'prau pR^ithi`viim u`ta dyaam |
u`taantari'kShaad a`bhi naH' samii`ka i`Sho ra`thiiH sa`yujaH' shuura` vaajaa'n || {3}{030}{11}
dishaH` suuryo` na mi'naati` pradi'ShTaa di`ve-di've` harya'shvaprasuutaaH |
saM yad aana`L adhva'na` aad id ashvai'r vi`moca'naM kR^iNute` tat tv asya || {3}{030}{12}
didR^i'kShanta u`Shaso` yaama'nn a`ktor vi`vasva'tyaa` mahi' ci`tram anii'kam |
vishve' jaananti mahi`naa yad aagaa`d indra'sya` karma` sukR^i'taa pu`ruuNi' || {3}{030}{13}
mahi` jyoti`r nihi'taM va`kShaNaa'sv aa`maa pa`kvaM ca'rati` bibhra'tii` gauH |
vishvaM` svaadma` sambhR^i'tam u`sriyaa'yaaM` yat sii`m indro` ada'dhaa`d bhoja'naaya || {3}{030}{14}
indra` dR^ihya' yaamako`shaa a'bhuuvan ya`j~naaya' shikSha gR^iNa`te sakhi'bhyaH |
du`rmaa`yavo' du`revaa` martyaa'so niSha`~NgiNo' ri`pavo` hantvaa'saH || {3}{030}{15}
saM ghoShaH' shR^iNve .ava`mair a`mitrai'r ja`hii ny eShv a`shaniM` tapi'ShThaam |
vR^i`shcem a`dhastaa`d vi ru'jaa` saha'sva ja`hi rakSho' maghavan ra`ndhaya'sva || {3}{030}{16}
ud vR^i'ha` rakShaH' sa`hamuu'lam indra vR^i`shcaa madhya`m praty agraM' shR^iNiihi |
aa kiiva'taH sala`luukaM' cakartha brahma`dviShe` tapu'ShiM he`tim a'sya || {3}{030}{17}
sva`staye' vaa`jibhi'sh ca praNetaH` saM yan ma`hiir iSha' aa`satsi' puu`rviiH |
raa`yo va`ntaaro' bR^iha`taH syaa'maa`sme a'stu` bhaga' indra pra`jaavaa'n || {3}{030}{18}
aa no' bhara` bhaga'm indra dyu`mantaM` ni te' de`ShNasya' dhiimahi prare`ke |
uu`rva i'va paprathe` kaamo' a`sme tam aa pR^i'Na vasupate` vasuu'naam || {3}{030}{19}
i`maM kaama'm mandayaa` gobhi`r ashvai'sh ca`ndrava'taa` raadha'saa pa`pratha'sh ca |
sva`ryavo' ma`tibhi`s tubhyaM` vipraa` indraa'ya` vaahaH' kushi`kaaso' akran || {3}{030}{20}
aa no' go`traa da'rdR^ihi gopate` gaaH sam a`smabhyaM' sa`nayo' yantu` vaajaaH' |
di`vakShaa' asi vR^iShabha sa`tyashu'Shmo .a`smabhyaM` su ma'ghavan bodhi go`daaH || {3}{030}{21}
shu`naM hu'vema ma`ghavaa'na`m indra'm a`smin bhare` nR^ita'maM` vaaja'saatau |
shR^i`Nvanta'm u`gram uu`taye' sa`matsu` ghnantaM' vR^i`traaNi' saM`jitaM` dhanaa'naam || {3}{030}{22}


(265)
shaasa`d vahni'r duhi`tur na`ptyaM gaad vi`dvaam+ R^i`tasya` diidhi'tiM sapa`ryan |
pi`taa yatra' duhi`tuH seka'm R^i`~njan saM sha`gmya` mana'saa dadha`nve || {3}{031}{01}
na jaa`maye` taanvo' ri`ktham aa'raik ca`kaara` garbhaM' sani`tur ni`dhaana'm |
yadii' maa`taro' ja`naya'nta` vahni'm a`nyaH ka`rtaa su`kR^ito'r a`nya R^i`ndhan || {3}{031}{02}
a`gnir ja'j~ne ju`hvaaKp reja'maano ma`has pu`traam+ a'ru`Shasya' pra`yakShe' |
ma`haan garbho` mahy aa jaa`tam e'Shaam ma`hii pra`vR^id dharya'shvasya ya`j~naiH || {3}{031}{03}
a`bhi jaitrii'r asacanta spR^idhaa`nam mahi` jyoti`s tama'so` nir a'jaanan |
taM jaa'na`tiiH praty ud aa'yann u`ShaasaH` pati`r gavaa'm abhava`d eka` indraH' || {3}{031}{04}
vii`Lau sa`tiir a`bhi dhiiraa' atR^indan praa`caahi'nva`n mana'saa sa`pta vipraaH' |
vishvaa'm avindan pa`thyaam R^i`tasya' prajaa`nann it taa nama`saa vi'vesha || {3}{031}{05}
vi`dad yadii' sa`ramaa' ru`gNam adre`r mahi` paathaH' puu`rvyaM sa`dhryak kaH |
agraM' nayat su`pady akSha'raaNaa`m acChaa` rava'm pratha`maa jaa'na`tii gaa't || {3}{031}{06}
aga'cChad u` vipra'tamaH sakhii`yann asuu'dayat su`kR^ite` garbha`m adriH' |
sa`saana` maryo` yuva'bhir makha`syann athaa'bhava`d a~Ngi'raaH sa`dyo arca'n || {3}{031}{07}
sa`taH-sa'taH prati`maana'm puro`bhuur vishvaa' veda` jani'maa` hanti` shuShNa'm |
pra No' di`vaH pa'da`viir ga`vyur arca`n sakhaa` sakhii'm+r amu~nca`n nir a'va`dyaat || {3}{031}{08}
ni ga'vya`taa mana'saa sedur a`rkaiH kR^i'Nvaa`naaso' amR^ita`tvaaya' gaa`tum |
i`daM ci`n nu sada'na`m bhuury e'ShaaM` ya` maasaa`m+ asi'Shaasann R^i`ta' || {3}{031}{09}
sa`mpashya'maanaa amadann a`bhi svam payaH' pra`tnasya` reta'so` dughaa'naaH |
vi roda'sii atapa`d ghoSha' eShaaM jaa`te ni`ShThaam ada'dhu`r goShu' vii`raan || {3}{031}{10}
sa jaa`tebhi'r vR^itra`haa sed u' ha`vyair ud u`sriyaa' asR^ija`d indro' a`rkaiH |
u`ruu`cy asmai ghR^i`tava`d bhara'ntii` madhu` svaadma' duduhe` jyaa` gauH || {3}{031}{11}
pi`tre ci'c cakruH` sada'naM` sam a'smai` mahi` tviShii'mat su`kR^ito` vi hi khyan |
vi`Shka`bhnanta` skambha'naa` jani'trii` aasii'naa uu`rdhvaM ra'bha`saM vi mi'nvan || {3}{031}{12}
ma`hii yadi' dhi`ShaNaa' shi`shnathe` dhaat sa'dyo`vR^idhaM' vi`bhvakp M roda'syoH |
giro` yasmi'nn anava`dyaaH sa'mii`ciir vishvaa` indraa'ya` tavi'Shii`r anu'ttaaH || {3}{031}{13}
mahy aa te' sa`khyaM va'shmi sha`ktiir aa vR^i'tra`ghne ni`yuto' yanti puu`rviiH |
mahi' sto`tram ava` aaga'nma suu`rer a`smaakaM` su ma'ghavan bodhi go`paaH || {3}{031}{14}
mahi` kShetra'm pu`ru shca`ndraM vi'vi`dvaan aad it sakhi'bhyash ca`rathaM` sam ai'rat |
indro` nR^ibhi'r ajana`d diidyaa'naH saa`kaM suurya'm u`ShasaM' gaa`tum a`gnim || {3}{031}{15}
a`pash ci'd e`Sha vi`bhvoKp damuu'naaH` pra sa`dhriicii'r asR^ijad vi`shvashca'ndraaH |
madhvaH' punaa`naaH ka`vibhiH' pa`vitrai`r dyubhi'r hinvanty a`ktubhi`r dhanu'triiH || {3}{031}{16}
anu' kR^i`ShNe vasu'dhitii jihaate u`bhe suurya'sya maM`hanaa` yaja'tre |
pari` yat te' mahi`maanaM' vR^i`jadhyai` sakhaa'ya indra` kaamyaa' R^iji`pyaaH || {3}{031}{17}
pati'r bhava vR^itrahan suu`nR^itaa'naaM gi`raaM vi`shvaayu'r vR^iSha`bho va'yo`dhaaH |
aa no' gahi sa`khyebhiH' shi`vebhi'r ma`haan ma`hiibhi'r uu`tibhiH' sara`Nyan || {3}{031}{18}
tam a'~Ngira`svan nama'saa sapa`ryan navyaM' kR^iNomi` sanya'se puraa`jaam |
druho` vi yaa'hi bahu`laa ade'viiH` svash ca no maghavan saa`taye' dhaaH || {3}{031}{19}
mihaH' paava`kaaH prata'taa abhuuvan sva`sti naH' pipR^ihi paa`ram aa'saam |
indra` tvaM ra'thi`raH paa'hi no ri`Sho ma`kShuu-ma'kShuu kR^iNuhi go`jito' naH || {3}{031}{20}
ade'diShTa vR^itra`haa gopa'ti`r gaa a`ntaH kR^i`ShNaam+ a'ru`Shair dhaama'bhir gaat |
pra suu`nR^itaa' di`shamaa'na R^i`ta` dura'sh ca` vishvaa' avR^iNo`d apa` svaaH || {3}{031}{21}
shu`naM hu'vema ma`ghavaa'na`m indra'm a`smin bhare` nR^ita'maM` vaaja'saatau |
shR^i`Nvanta'm u`gram uu`taye' sa`matsu` ghnantaM' vR^i`traaNi' saM`jitaM` dhanaa'naam || {3}{031}{22}


(266)
indra` somaM' somapate` pibe`mam maadhyaM'dinaM` sava'naM` caaru` yat te' |
pra`pruthyaa` shipre' maghavann R^ijiiShin vi`mucyaa` harii' i`ha maa'dayasva || {3}{032}{01}
gavaa'shiram ma`nthina'm indra shu`kram pibaa` somaM' rari`maa te` madaa'ya |
bra`hma`kR^itaa` maaru'taa ga`Na' sa`joShaa' ru`drais tR^i`pad aa vR^i'Shasva || {3}{032}{02}
ye te` shuShmaM` ye tavi'Shii`m ava'rdha`nn arca'nta indra ma`ruta's ta` ojaH' |
maadhyaM'dine` sava'ne vajrahasta` pibaa' ru`drebhiH` saga'NaH sushipra || {3}{032}{03}
ta in nv asya` madhu'mad vivipra` indra'sya` shardho' ma`ruto` ya aasa'n |
yebhi'r vR^i`trasye'Shi`to vi`vedaa'ma`rmaNo` manya'maanasya` marma' || {3}{032}{04}
ma`nu`Shvad i'ndra` sava'naM juShaa`NaH pibaa` somaM` shashva'te vii`ryaaya |
sa aa va'vR^itsva haryashva ya`j~naiH sa'ra`Nyubhi'r a`po arNaa' sisarShi || {3}{032}{05}
tvam a`po yad dha' vR^i`traM ja'gha`nvaam+ atyaa'm+ iva` praasR^i'jaH` sarta`vaajau |
shayaa'nam indra` cara'taa va`dha' vavri`vaaMsa`m pari' de`viir ade'vam || {3}{032}{06}
yajaa'ma` in nama'saa vR^i`ddham indra'm bR^i`hanta'm R^i`Shvam a`jaraM` yuvaa'nam |
yasya' pri`ye ma`matu'r ya`j~niya'sya` na roda'sii mahi`maana'm ma`maate' || {3}{032}{07}
indra'sya` karma` sukR^i'taa pu`ruuNi' vra`taani' de`vaa na mi'nanti` vishve' |
daa`dhaara` yaH pR^i'thi`viiM dyaam u`temaaM ja`jaana` suurya'm u`ShasaM' su`daMsaaH' || {3}{032}{08}
adro'gha sa`tyaM tava` tan ma'hi`tvaM sa`dyo yaj jaa`to api'bo ha` soma'm |
na dyaava' indra ta`vasa's ta` ojo` naahaa` na maasaaH' sha`rado' varanta || {3}{032}{09}
tvaM sa`dyo a'pibo jaa`ta i'ndra` madaa'ya` soma'm para`me vyoman |
yad dha` dyaavaa'pR^ithi`vii aavi'veshii`r athaa'bhavaH puu`rvyaH kaa`rudhaa'yaaH || {3}{032}{10}
aha`nn ahi'm pari`shayaa'na`m arNa' ojaa`yamaa'naM tuvijaata` tavyaa'n |
na te' mahi`tvam anu' bhuu`d adha` dyaur yad a`nyayaa' sphi`gyaaKp kShaam ava'sthaaH || {3}{032}{11}
ya`j~no hi ta' indra` vardha'no` bhuud u`ta pri`yaH su`taso'mo mi`yedhaH' |
ya`j~na' ya`j~nam a'va ya`j~niyaH` san ya`j~nas te` vajra'm ahi`hatya' aavat || {3}{032}{12}
ya`j~ndra`m ava`saa ca'kre a`rvaag ainaM' su`mnaaya` navya'se vavR^ityaam |
ya stome'bhir vaavR^i`dhe puu`rvyebhi`r yo ma'dhya`mebhi'r u`ta nuuta'nebhiH || {3}{032}{13}
vi`veSha` yan maa' dhi`ShaNaa' ja`jaana` stavai' pu`raa paaryaa`d indra`m ahnaH' |
aMha'so` yatra' pii`para`d yathaa' no naa`veva` yaanta'm u`bhaye' havante || {3}{032}{14}
aapuu'rNo asya ka`lashaH` svaahaa` sekte'va` koshaM' sisice` piba'dhyai |
sam u' pri`yaa aava'vR^itra`n madaa'ya pradakShi`Nid a`bhi somaa'sa` indra'm || {3}{032}{15}
na tvaa' gabhii`raH pu'ruhuuta` sindhu`r naadra'yaH` pari` Shanto' varanta |
i`tthaa sakhi'bhya iShi`to yad i`ndraa dR^i`LhaM ci`d aru'jo` gavya'm uu`rvam || {3}{032}{16}
shu`naM hu'vema ma`ghavaa'na`m indra'm a`smin bhare` nR^ita'maM` vaaja'saatau |
shR^i`Nvanta'm u`gram uu`taye' sa`matsu` ghnantaM' vR^i`traaNi' saM`jitaM` dhanaa'naam || {3}{032}{17}


(267)
pra parva'taanaam usha`tii u`pasthaa`d ashve' iva` viShi'te` haasa'maane |
gaave'va shu`bhre maa`taraa' rihaa`Ne vipaa'T Chutu`drii paya'saa javete || {3}{033}{01}
indre'Shite prasa`vam bhikSha'maaNe` acChaa' samu`draM ra`thyeva yaathaH |
sa`maa`raa`Ne uu`rmibhiH` pinva'maane a`nyaa vaa'm a`nyaam apy e'ti shubhre || {3}{033}{02}
acChaa` sindhu'm maa`tR^ita'maam ayaasaM` vipaa'sham u`rviiM su`bhagaa'm aganma |
va`tsam i'va maa`taraa' saMrihaa`Ne sa'maa`naM yoni`m anu' saM`cara'ntii || {3}{033}{03}
e`naa va`yam paya'saa` pinva'maanaa` anu` yoniM' de`vakR^i'taM` cara'ntiiH |
na varta've prasa`vaH sarga'taktaH kiM`yur vipro' na`dyo johaviiti || {3}{033}{04}
rama'dhvam me` vaca'se so`myaaya` R^itaa'varii`r upa' muhuu`rtam evaiH' |
pra sindhu`m acChaa' bR^iha`tii ma'nii`Shaava`syur a'hve kushi`kasya' suu`nuH || {3}{033}{05}
indro' a`smaam+ a'rada`d vajra'baahu`r apaa'han vR^i`tram pa'ri`dhiM na`diinaa'm |
de`vo .anayat savi`taa su'paa`Nis tasya' va`yam pra'sa`ve yaa'ma u`rviiH || {3}{033}{06}
pra`vaacyaM' shashva`dhaa vii`ryakp M tad indra'sya` karma` yad ahiM' vivR^i`shcat |
vi vajre'Na pari`Shado' jaghaa`naaya`nn aapo .a'yanam i`cChamaa'naaH || {3}{033}{07}
e`tad vaco' jarita`r maapi' mR^iShThaa` aa yat te` ghoShaa`n utta'raa yu`gaani' |
u`ktheShu' kaaro` prati' no juShasva` maa no` ni kaH' puruSha`traa nama's te || {3}{033}{08}
o Shu sva'saaraH kaa`rave' shR^iNota ya`yau vo' duu`raad ana'saa` rathe'na |
ni Shuu na'madhva`m bhava'taa supaa`raa a'dhoa`kShaaH si'ndhavaH sro`tyaabhiH' || {3}{033}{09}
aa te' kaaro shR^iNavaamaa` vacaaM'si ya`yaatha' duu`raad ana'saa` rathe'na |
ni te' naMsai piipyaa`neva` yoShaa` maryaa'yeva ka`nyaa shashva`cai te' || {3}{033}{10}
yad a`~Nga tvaa' bhara`taaH saM`tare'yur ga`vyan graama' iShi`ta indra'juutaH |
arShaa`d aha' prasa`vaH sarga'takta` aa vo' vR^iNe suma`tiM ya`j~niyaa'naam || {3}{033}{11}
ataa'riShur bhara`taa ga`vyavaH` sam abha'kta` vipraH' suma`tiM na`diinaa'm |
pra pi'nvadhvam i`Shaya'ntiiH su`raadhaa` aa va`kShaNaaH' pR^i`NadhvaM' yaa`ta shiibha'm || {3}{033}{12}
ud va' uu`rmiH shamyaa' ha`ntv aapo` yoktraa'Ni mu~ncata |
maadu'ShkR^itau` vyasaa`ghnyau shuuna`m aara'taam || {3}{033}{13}


(268)
indraH' puu`rbhid aati'ra`d daasa'm a`rkair vi`dadva'su`r daya'maano` vi shatruu'n |
brahma'juutas ta`nvaa vaavR^idhaa`no bhuuri'daatra` aapR^i'Na`d roda'sii u`bhe || {3}{034}{01}
ma`khasya' te tavi`Shasya` pra juu`tim iya'rmi` vaaca'm a`mR^itaa'ya` bhuuSha'n |
indra' kShitii`naam a'si` maanu'ShiiNaaM vi`shaaM daivii'naam u`ta puu'rva`yaavaa' || {3}{034}{02}
indro' vR^i`tram a'vR^iNo`c Chardha'niitiH` pra maa`yinaa'm aminaa`d varpa'NiitiH |
aha`n vyaMsam u`shadha`g vane'Shv aa`vir dhaa' akR^iNod raa`myaaNaa'm || {3}{034}{03}
indraH' sva`rShaa ja`naya`nn ahaa'ni ji`gaayo`shigbhiH` pR^ita'naa abhi`ShTiH |
praaro'caya`n mana've ke`tum ahnaa`m avi'nda`j jyoti'r bR^iha`te raNaa'ya || {3}{034}{04}
indra`s tujo' ba`rhaNaa` aa vi'vesha nR^i`vad dadhaa'no` naryaa' pu`ruuNi' |
ace'taya`d dhiya' i`maa ja'ri`tre premaM varNa'm atirac Chu`kram aa'saam || {3}{034}{05}
ma`ho ma`haani' panayanty a`sydra'sya` karma` sukR^i'taa pu`ruuNi' |
vR^i`jane'na vR^iji`naan sam pi'peSha maa`yaabhi`r dasyuu'm+r a`bhibhuu'tyojaaH || {3}{034}{06}
yu`dhdro' ma`hnaa vari'vash cakaara de`vebhyaH` satpa'tish carShaNi`praaH |
vi`vasva'taH` sada'ne asya` taani` vipraa' u`kthebhiH' ka`vayo' gR^iNanti || {3}{034}{07}
sa`traa`saahaM` vare'NyaM saho`daaM sa'sa`vaaMsaM` svar a`pash ca' de`viiH |
sa`saana` yaH pR^i'thi`viiM dyaam u`temaam indra'm mada`nty anu` dhiira'NaasaH || {3}{034}{08}
sa`saanaatyaa'm+ u`ta suuryaM' sasaa`ndraH' sasaana puru`bhoja'saM` gaam |
hi`ra`Nyaya'm u`ta bhogaM' sasaana ha`tvii dasyuu`n praaryaM` varNa'm aavat || {3}{034}{09}
indra` oSha'dhiir asano`d ahaa'ni` vana`spatii'm+r asanod a`ntari'kSham |
bi`bheda' va`laM nu'nu`de vivaa`co .a'thaabhavad dami`taabhikra'tuunaam || {3}{034}{10}
shu`naM hu'vema ma`ghavaa'na`m indra'm a`smin bhare` nR^ita'maM` vaaja'saatau |
shR^i`Nvanta'm u`gram uu`taye' sa`matsu` ghnantaM' vR^i`traaNi' saM`jitaM` dhanaa'naam || {3}{034}{11}


(269)
tiShThaa` harii` ratha` aa yu`jyamaa'naa yaa`hi vaa`yur na ni`yuto' no` acCha' |
pibaa`sy andho' a`bhisR^i'ShTo a`sme indra` svaahaa' rari`maa te` madaa'ya || {3}{035}{01}
upaa'ji`raa pu'ruhuu`taaya` saptii` harii` ratha'sya dhuu`rShv aa yu'najmi |
dra`vad yathaa` sambhR^i'taM vi`shvata'sh ci`d upe`maM ya`j~nam aa va'haata` indra'm || {3}{035}{02}
upo' nayasva` vR^iSha'Naa tapu`Shpotem a'va` tvaM vR^i'Shabha svadhaavaH |
grase'taa`m ashvaa` vi mu'ce`ha shoNaa' di`ve-di've sa`dR^ishii'r addhi dhaa`naaH || {3}{035}{03}
brahma'Naa te brahma`yujaa' yunajmi` harii` sakhaa'yaa sadha`maada' aa`shuu |
sthi`raM rathaM' su`kham i'ndraadhi`tiShTha'n prajaa`nan vi`dvaam+ upa' yaahi` soma'm || {3}{035}{04}
maa te` harii` vR^iSha'Naa vii`tapR^i'ShThaa` ni rii'rama`n yaja'maanaaso a`nye |
a`tyaayaa'hi` shashva'to va`yaM te .a'raM su`tebhiH' kR^iNavaama` somaiH' || {3}{035}{05}
tavaa`yaM soma`s tvam ehy a`rvaa~N Cha'shvatta`maM su`manaa' a`sya paa'hi |
a`smin ya`j~ne ba`rhiShy aa ni`Shadyaa' dadhi`ShvemaM ja`Thara` indu'm indra || {3}{035}{06}
stii`rNaM te' ba`rhiH su`ta i'ndra` somaH' kR^i`taa dhaa`naa atta've te` hari'bhyaam |
tado'kase puru`shaakaa'ya` vR^iShNe' ma`rutva'te` tubhyaM' raa`taa ha`viiMShi' || {3}{035}{07}
i`maM naraH` parva'taa`s tubhya`m aapaH` sam i'ndra` gobhi`r madhu'mantam akran |
tasyaa`gatyaa' su`manaa' R^iShva paahi prajaa`nan vi`dvaan pa`thyaaKp anu` svaaH || {3}{035}{08}
yaam+ aabha'jo ma`ruta' indra` some` ye tvaam ava'rdha`nn abha'van ga`Nas te' |
tebhi'r e`taM sa`joShaa' vaavashaa`no .a`gneH pi'ba ji`hvayaa` soma'm indra || {3}{035}{09}
indra` piba' sva`dhayaa' cit su`tasyaa`gner vaa' paahi ji`hvayaa' yajatra |
a`dhva`ryor vaa` praya'taM shakra` hastaa`d dhotu'r vaa ya`j~naM ha`viSho' juShasva || {3}{035}{10}
shu`naM hu'vema ma`ghavaa'na`m indra'm a`smin bhare` nR^ita'maM` vaaja'saatau |
shR^i`Nvanta'm u`gram uu`taye' sa`matsu` ghnantaM' vR^i`traaNi' saM`jitaM` dhanaa'naam || {3}{035}{11}


(270)
i`maam uu` Shu prabhR^i'tiM saa`taye' dhaaH` shashva'c-Chashvad uu`tibhi`r yaada'maanaH |
su`te-su'te vaavR^idhe` vardha'nebhi`r yaH karma'bhir ma`hadbhiH` sushru'to` bhuut || {3}{036}{01}
indraa'ya` somaaH' pra`divo` vidaa'naa R^i`bhur yebhi`r vR^iSha'parvaa` vihaa'yaaH |
pra`ya`myamaa'naa`n prati` Shuu gR^i'bhaa`ydra` piba` vR^iSha'dhuutasya` vR^iShNaH' || {3}{036}{02}
pibaa` vardha'sva` tava' ghaa su`taasa` indra` somaa'saH pratha`maa u`teme |
yathaapi'baH puu`rvyaam+ i'ndra` somaa'm+ e`vaa paa'hi` panyo' a`dyaa navii'yaan || {3}{036}{03}
ma`haam+ ama'tro vR^i`jane' vira`pshy ukp graM shavaH' patyate dhR^i`ShNv ojaH' |
naaha' vivyaaca pR^ithi`vii ca`nainaM` yat somaa'so` harya'shva`m ama'ndan || {3}{036}{04}
ma`haam+ u`gro vaa'vR^idhe vii`ryaaya sa`maaca'kre vR^iSha`bhaH kaavye'na |
indro` bhago' vaaja`daa a'sya` gaavaH` pra jaa'yante` dakShi'Naa asya puu`rviiH || {3}{036}{05}
pra yat sindha'vaH prasa`vaM yathaaya`nn aapaH' samu`draM ra`thyeva jagmuH |
ata'sh ci`d indraH` sada'so` varii'yaa`n yad iiM` somaH' pR^i`Nati' du`gdho aM`shuH || {3}{036}{06}
sa`mu`dra` sindha'vo` yaada'maanaa` indraa'ya` somaM` suShu'ta`m bhara'ntaH |
aM`shuM du'hanti ha`stino' bha`ritrai`r madhvaH' punanti` dhaara'yaa pa`vitraiH' || {3}{036}{07}
hra`daa i'va ku`kShayaH' soma`dhaanaaH` sam ii' vivyaaca` sava'naa pu`ruuNi' |
annaa` yad indraH' pratha`maa vy aasha' vR^i`traM ja'gha`nvaam+ a'vR^iNiita` soma'm || {3}{036}{08}
aa tuu bha'ra` maaki'r e`tat pari' ShThaad vi`dmaa hi tvaa` vasu'patiM` vasuu'naam |
indra` yat te` maahi'naM` datra`m asty a`smabhyaM` tad dha'ryashva` pra ya'ndhi || {3}{036}{09}
a`sme pra ya'ndhi maghavann R^ijiiShi`nn indra' raa`yo vi`shvavaa'rasya` bhuureH' |
a`sme sha`taM sha`rado' jii`vase' dhaa a`sme vii`raa~n Chashva'ta indra shiprin || {3}{036}{10}
shu`naM hu'vema ma`ghavaa'na`m indra'm a`smin bhare` nR^ita'maM` vaaja'saatau |
shR^i`Nvanta'm u`gram uu`taye' sa`matsu` ghnantaM' vR^i`traaNi' saM`jitaM` dhanaa'naam || {3}{036}{11}


(271)
vaartra'hatyaaya` shava'se pR^itanaa`Shaahyaa'ya ca |
indra` tvaa va'rtayaamasi || {3}{037}{01}
a`rvaa`ciinaM` su te` mana' u`ta cakShuH' shatakrato |
indra' kR^i`Nvantu' vaa`ghataH' || {3}{037}{02}
naamaa'ni te shatakrato` vishvaa'bhir gii`rbhir ii'mahe |
indraa'bhimaati`Shaahye' || {3}{037}{03}
pu`ru`ShTu`tasya` dhaama'bhiH sha`ta' mahayaamasi |
indra'sya carShaNii`dhR^itaH' || {3}{037}{04}
indraM' vR^i`traaya` hanta've puruhuu`tam upa' bruve |
bhare'Shu` vaaja'saataye || {3}{037}{05}
vaaje'Shu saasa`hir bha'va` tvaam ii'mahe shatakrato |
indra' vR^i`traaya` hanta've || {3}{037}{06}
dyu`mneShu' pR^ita`naajye' pR^itsu`tuurShu` shrava'ssu ca |
indra` saakShvaa`bhimaa'tiShu || {3}{037}{07}
shu`Shminta'maM na uu`taye' dyu`mnina'm paahi` jaagR^i'vim |
indra` somaM' shatakrato || {3}{037}{08}
i`ndri`yaaNi' shatakrato` yaa te` jane'Shu pa`~ncasu' |
indra` taani' ta` aa vR^i'Ne || {3}{037}{09}
aga'nn indra` shravo' bR^i`had dyu`mnaM da'dhiShva du`ShTara'm |
ut te` shuShmaM' tiraamasi || {3}{037}{10}
a`rvaa`vato' na` aa ga`hy atho' shakra paraa`vataH' |
u` lo`ko yas te' adriva` indre`ha tata` aa ga'hi || {3}{037}{11}


(272)
a`bhi taShTe'va diidhayaa manii`Shaam atyo` na vaa`jii su`dhuro` jihaa'naH |
a`bhi pri`yaaNi` marmR^i'sha`t paraa'Ni ka`viim+r i'cChaami saM`dR^ishe' sume`dhaaH || {3}{038}{01}
i`nota pR^i'cCha` jani'maa kavii`naam ma'no`dhR^itaH' su`kR^ita's takShata` dyaam |
i`maa u' te pra`NyoKp vardha'maanaa` mano'vaataa` adha` nu dharma'Ni gman || {3}{038}{02}
ni Shii`m id atra` guhyaa` dadhaa'naa u`ta kSha`traaya` roda'sii` sam a'~njan |
sam maatraa'bhir mami`re ye`mur u`rvii a`ntar ma`hii samR^i'te` dhaaya'se dhuH || {3}{038}{03}
aa`tiShTha'nta`m pari` vishve' abhuuSha`~n Chriyo` vasaa'nash carati` svaro'ciH |
ma`hat tad vR^iShNo` asu'rasya` naamaa vi`shvaruu'po a`mR^itaa'ni tasthau || {3}{038}{04}
asuu'ta` puurvo' vR^iSha`bho jyaayaa'n i`maa a'sya shu`rudhaH' santi puu`rviiH |
divo' napaataa vi`datha'sya dhii`bhiH kSha`traM raa'jaanaa pra`divo' dadhaathe || {3}{038}{05}
triiNi' raajaanaa vi`dathe' pu`ruuNi` pari` vishvaa'ni bhuuShathaH` sadaaM'si |
apa'shya`m atra` mana'saa jaga`nvaan vra`te ga'ndha`rvaam+ api' vaa`yuke'shaan || {3}{038}{06}
tad in nv asya vR^iSha`bhasya' dhe`nor aa naama'bhir mamire` sakmyaM` goH |
a`nyad-a'nyad asu`ryakp M vasaa'naa` ni maa`yino' mamire ruu`pam a'smin || {3}{038}{07}
tad in nv asya savi`tur naki'r me hira`Nyayii'm a`matiM` yaam ashi'shret |
aa su'ShTu`tii roda'sii vishvami`nve apii'va` yoShaa` jani'maani vavre || {3}{038}{08}
yu`vam pra`tnasya' saadhatho ma`ho yad daivii' sva`stiH pari' NaH syaatam |
go`paaji'hvasya ta`sthuSho` viruu'paa` vishve' pashyanti maa`yinaH' kR^i`taani' || {3}{038}{09}
shu`naM hu'vema ma`ghavaa'na`m indra'm a`smin bhare` nR^ita'maM` vaaja'saatau |
shR^i`Nvanta'm u`gram uu`taye' sa`matsu` ghnantaM' vR^i`traaNi' saM`jitaM` dhanaa'naam || {3}{038}{10}


(273)
indra'm ma`tir hR^i`da aa va`cyamaa`naacChaa` patiM` stoma'taShTaa jigaati |
yaa jaagR^i'vir vi`dathe' sha`syamaa`ndra` yat te` jaaya'te vi`ddhi tasya' || {3}{039}{01}
di`vash ci`d aa puu`rvyaa jaaya'maanaa` vi jaagR^i'vir vi`dathe' sha`syamaa'naa |
bha`draa vastraa`Ny arju'naa` vasaa'naa` seyam a`sme sa'na`jaa pitryaa` dhiiH || {3}{039}{02}
ya`maa ci`d atra' yama`suur a'suuta ji`hvaayaa` agra`m pata`d aa hy asthaa't |
vapuuM'Shi jaa`taa mi'thu`naa sa'cete tamo`hanaa` tapu'Sho bu`dhna etaa' || {3}{039}{03}
naki'r eShaaM nindi`taa martye'Shu` ye a`smaaka'm pi`taro` goShu' yo`dhaaH |
indra' eShaaM dR^iMhi`taa maahi'naavaa`n ud go`traaNi' sasR^ije daM`sanaa'vaan || {3}{039}{04}
sakhaa' ha` yatra` sakhi'bhi`r nava'gvair abhi`j~nv aa satva'bhi`r gaa a'nu`gman |
sa`tyaM tad indro' da`shabhi`r dasha'gvaiH` suuryaM' viveda` tama'si kShi`yanta'm || {3}{039}{05}
indro` madhu` sambhR^i'tam u`sriyaa'yaam pa`dvad vi'veda sha`phava`n name` goH |
guhaa' hi`taM guhyaM' guu`Lham a`psu haste' dadhe` dakShi'Ne` dakShi'Naavaan || {3}{039}{06}
jyoti'r vR^iNiita` tama'so vijaa`nann aa`re syaa'ma duri`taad a`bhiike' |
i`maa giraH' somapaaH somavR^iddha ju`Shasve'ndra puru`tama'sya kaa`roH || {3}{039}{07}
jyoti'r ya`j~naaya` roda'sii` anu' Shyaad aa`re syaa'ma duri`tasya` bhuureH' |
bhuuri' ci`d dhi tu'ja`to martya'sya supaa`raaso' vasavo ba`rhaNaa'vat || {3}{039}{08}
shu`naM hu'vema ma`ghavaa'na`m indra'm a`smin bhare` nR^ita'maM` vaaja'saatau |
shR^i`Nvanta'm u`gram uu`taye' sa`matsu` ghnantaM' vR^i`traaNi' saM`jitaM` dhanaa'naam || {3}{039}{09}


(274)
indra' tvaa vR^iSha`bhaM va`yaM su`te some' havaamahe |
sa paa'hi` madhvo` andha'saH || {3}{040}{01}
indra' kratu`vidaM' su`taM somaM' harya puruShTuta |
pibaa vR^i'Shasva` taatR^i'pim || {3}{040}{02}
indra` pra No' dhi`taavaa'naM ya`j~naM vishve'bhir de`vebhiH' |
ti`ra sta'vaana vishpate || {3}{040}{03}
indra` somaaH' su`taa i`me tava` pra ya'nti satpate |
kShayaM' ca`ndraasa` inda'vaH || {3}{040}{04}
da`dhi`Shvaa ja`Thare' su`taM soma'm indra` vare'Nyam |
tava' dyu`kShaasa` inda'vaH || {3}{040}{05}
girva'NaH paa`hi naH' su`tam madho`r dhaaraa'bhir ajyase |
indra` tvaadaa'ta`m id yashaH' || {3}{040}{06}
a`bhi dyu`mnaani' va`nina` indraM' sacante` akShi'taa |
pii`tvii soma'sya vaavR^idhe || {3}{040}{07}
a`rvaa`vato' na` aa ga'hi paraa`vata'sh ca vR^itrahan |
i`maa ju'Shasva no` giraH' || {3}{040}{08}
yad a'nta`raa pa'raa`vata'm arvaa`vataM' ca huu`yase' |
indre`ha tata` aa ga'hi || {3}{040}{09}


(275)
aa tuu na' indra ma`dryag ghuvaa`naH soma'piitaye |
hari'bhyaaM yaahy adrivaH || {3}{041}{01}
sa`tto hotaa' na R^i`tviya's tisti`re ba`rhir aa'nu`Shak |
ayu'jran praa`tar adra'yaH || {3}{041}{02}
i`maa brahma' brahmavaahaH kri`yanta` aa ba`rhiH sii'da |
vii`hi shuu'ra puro`Laasha'm || {3}{041}{03}
raa`ra`ndhi sava'neShu Na e`Shu stome'Shu vR^itrahan |
u`ktheShv i'ndra girvaNaH || {3}{041}{04}
ma`tayaH' soma`paam u`ruM ri`hanti` shava'sa`s pati'm |
indraM' va`tsaM na maa`taraH' || {3}{041}{05}
sa ma'ndasvaa` hy andha'so` raadha'se ta`nvaa ma`he |
na sto`taaraM' ni`de ka'raH || {3}{041}{06}
va`yam i'ndra tvaa`yavo' ha`viShma'nto jaraamahe |
u`ta tvam a'sma`yur va'so || {3}{041}{07}
maare a`smad vi mu'muco` hari'priyaa`rvaa~N yaa'hi |
indra' svadhaavo` matsve`ha || {3}{041}{08}
a`rvaa~ncaM' tvaa su`khe rathe` vaha'taam indra ke`shinaa' |
ghR^i`tasnuu' ba`rhir aa`sade' || {3}{041}{09}


(276)
upa' naH su`tam aa ga'hi` soma'm indra` gavaa'shiram |
hari'bhyaaM` yas te' asma`yuH || {3}{042}{01}
tam i'ndra` mada`m aa ga'hi barhi`ShThaaM graava'bhiH su`tam |
ku`vin nv asya tR^i`pNavaH' || {3}{042}{02}
indra'm i`tthaa giro` mamaacChaa'gur iShi`taa i`taH |
aa`vR^ite` soma'piitaye || {3}{042}{03}
indraM` soma'sya pii`taye` stomai'r i`ha ha'vaamahe |
u`kthebhiH' ku`vid aa`gama't || {3}{042}{04}
indra` somaaH' su`taa i`me taan da'dhiShva shatakrato |
ja`Thare' vaajiniivaso || {3}{042}{05}
vi`dmaa hi tvaa' dhanaMja`yaM vaaje'Shu dadhR^i`ShaM ka've |
adhaa' te su`mnam ii'mahe || {3}{042}{06}
i`mam i'ndra` gavaa'shiraM` yavaa'shiraM ca naH piba |
aa`gatyaa` vR^iSha'bhiH su`tam || {3}{042}{07}
tubhyed i'ndra` sva o`kyeKp somaM' codaami pii`taye' |
e`Sha raa'rantu te hR^i`di || {3}{042}{08}
tvaaM su`tasya' pii`taye' pra`tnam i'ndra havaamahe |
ku`shi`kaaso' ava`syavaH' || {3}{042}{09}


(277)
aa yaa'hy a`rvaa~N upa' vandhure`ShThaas taved anu' pra`divaH' soma`peya'm |
pri`yaa sakhaa'yaa` vi mu`copa' ba`rhis tvaam i`me ha'vya`vaaho' havante || {3}{043}{01}
aa yaa'hi puu`rviir ati' carSha`Niir aam+ a`rya aa`shiSha` upa' no` hari'bhyaam |
i`maa hi tvaa' ma`taya` stoma'taShTaa` indra` hava'nte sa`khyaM ju'Shaa`NaaH || {3}{043}{02}
aa no' ya`j~naM na'mo`vR^idhaM' sa`joShaa` indra' deva` hari'bhir yaahi` tuuya'm |
a`haM hi tvaa' ma`tibhi`r joha'viimi ghR^i`tapra'yaaH sadha`maade` madhuu'naam || {3}{043}{03}
aa ca` tvaam e`taa vR^iSha'Naa` vahaa'to` harii` sakhaa'yaa su`dhuraa` sva~Ngaa' |
dhaa`naava`d indraH` sava'naM juShaa`NaH sakhaa` sakhyuH' shR^iNava`d vanda'naani || {3}{043}{04}
ku`vin maa' go`paaM kara'se` jana'sya ku`vid raajaa'nam maghavann R^ijiiShin |
ku`vin ma` R^iShi'm papi`vaaMsaM' su`tasya' ku`vin me` vasvo' a`mR^ita'sya` shikShaaH' || {3}{043}{05}
aa tvaa' bR^i`hanto` hara'yo yujaa`naa a`rvaag i'ndra sadha`maado' vahantu |
pra ye dvi`taa di`va R^i`~njanty aataaH` susa'mmR^iShTaaso vR^iSha`bhasya' muu`raaH || {3}{043}{06}
indra` piba` vR^iSha'dhuutasya` vR^iShNa` aa yaM te' shye`na u'sha`te ja`bhaara' |
yasya` made' cyaa`vaya'si` pra kR^i`ShTiir yasya` made` apa' go`traa va`vartha' || {3}{043}{07}
shu`naM hu'vema ma`ghavaa'na`m indra'm a`smin bhare` nR^ita'maM` vaaja'saatau |
shR^i`Nvanta'm u`gram uu`taye' sa`matsu` ghnantaM' vR^i`traaNi' saM`jitaM` dhanaa'naam || {3}{043}{08}


(278)
a`yaM te' astu harya`taH soma` aa hari'bhiH su`taH |
ju`Shaa`Na i'ndra` hari'bhir na` aa ga`hy aa ti'ShTha` hari'taM` ratha'm || {3}{044}{01}
ha`ryann u`Shasa'm arcayaH` suuryaM' ha`ryann a'rocayaH |
vi`dvaaMsh ci'ki`tvaan ha'ryashva vardhasa` indra` vishvaa' a`bhi shriyaH' || {3}{044}{02}
dyaam indro` hari'dhaayasam pR^ithi`viiM hari'varpasam |
adhaa'rayad dha`rito`r bhuuri` bhoja'naM` yayo'r a`ntar hari`sh cara't || {3}{044}{03}
ja`j~naa`no hari'to` vR^iShaa` vishva`m aa bhaa'ti roca`nam |
harya'shvo` hari'taM dhatta` aayu'dha`m aa vajra'm baa`hvor hari'm || {3}{044}{04}
indro' ha`ryanta`m arju'naM` vajraM' shu`krair a`bhiivR^i'tam |
apaa'vR^iNo`d dhari'bhi`r adri'bhiH su`tam ud gaa hari'bhir aajata || {3}{044}{05}


(279)
aa ma`ndrair i'ndra` hari'bhir yaa`hi ma`yuura'romabhiH |
maa tvaa` ke ci`n ni ya'ma`n viM naa paa`shino .a'ti` dhanve'va` taam+ i'hi || {3}{045}{01}
vR^i`tra`khaa`do va'laMru`jaH pu`raaM da`rmo a`paam a`jaH |
sthaataa` ratha'sya` haryo'r abhisva`ra indro' dR^i`Lhaa ci'd aaru`jaH || {3}{045}{02}
ga`mbhii`raam+ u'da`dhiim+r i'va` kratu'm puShyasi` gaa i'va |
pra su'go`paa yava'saM dhe`navo' yathaa hra`daM ku`lyaa i'vaashata || {3}{045}{03}
aa na`s tujaM' ra`yim bha`raaMshaM` na pra'tijaana`te |
vR^i`kSham pa`kvam phala'm a`~Nkiiva' dhuunu`hiindra' sa`mpaara'NaM` vasu' || {3}{045}{04}
sva`yur i'ndra sva`raaL a'si` smaddi'ShTiH` svaya'shastaraH |
sa vaa'vR^idhaa`na oja'saa puruShTuta` bhavaa' naH su`shrava'stamaH || {3}{045}{05}


(280)
yu`dhmasya' te vR^iSha`bhasya' sva`raaja' u`grasya` yuuna` sthavi'rasya` ghR^iShveH' |
ajuu'ryato va`jriNo' vii`ryaaKp Niindra' shru`tasya' maha`to ma`haani' || {3}{046}{01}
ma`haam+ a'si mahiSha` vR^iShNye'bhir dhana`spR^id u'gra` saha'maano a`nyaan |
eko` vishva'sya` bhuva'nasya` raajaa` sa yo`dhayaa' ca kSha`yayaa' ca` janaa'n || {3}{046}{02}
pra maatraa'bhii ririce` roca'maanaH` pra de`vebhi'r vi`shvato` apra'tiitaH |
pra ma`jmanaa' di`va indraH' pR^ithi`vyaaH proror ma`ho a`ntari'kShaad R^ijii`Shii || {3}{046}{03}
u`ruM ga'bhii`raM ja`nuShaa`bhy ukp graM vi`shvavya'casam ava`tam ma'tii`naam |
indraM` somaa'saH pra`divi' su`taasaH' samu`draM na sra`vata` aa vi'shanti || {3}{046}{04}
yaM soma'm indra pR^ithi`viidyaavaa` garbhaM` na maa`taa bi'bhR^i`tas tvaa`yaa |
taM te' hinvanti` tam u' te mR^ijanty adhva`ryavo' vR^iShabha` paata`vaa u' || {3}{046}{05}


(281)
ma`rutvaa'm+ indra vR^iSha`bho raNaa'ya` pibaa` soma'm anuShva`dham madaa'ya |
aa si'~ncasva ja`Thare` madhva' uu`rmiM tvaM raajaa'si pra`divaH' su`taanaa'm || {3}{047}{01}
sa`joShaa' indra` saga'No ma`rudbhiH` soma'm piba vR^itra`haa shuu'ra vi`dvaan |
ja`hi shatruu`m+r apa` mR^idho' nuda`svaathaabha'yaM kR^iNuhi vi`shvato' naH || {3}{047}{02}
u`ta R^i`tubhi'r R^itupaaH paahi` soma`m indra' de`vebhiH` sakhi'bhiH su`taM naH' |
yaam+ aabha'jo ma`ruto` ye tvaanv aha'n vR^i`tram ada'dhu`s tubhya`m ojaH' || {3}{047}{03}
ye tvaa'hi`hatye' maghava`nn ava'rdha`n ye shaa'mba`re ha'rivo` ye gavi'ShTau |
ye tvaa' nuu`nam a'nu`mada'nti` vipraaH` pibe'ndra` somaM` saga'No ma`rudbhiH' || {3}{047}{04}
ma`rutva'ntaM vR^iSha`bhaM vaa'vR^idhaa`nam aka'vaariM di`vyaM shaa`sam indra'm |
vi`shvaa`saaha`m ava'se` nuuta'naayo`graM sa'ho`daam i`ha taM hu'vema || {3}{047}{05}


(282)
sa`dyo ha' jaa`to vR^i'Sha`bhaH ka`niinaH` prabha'rtum aava`d andha'saH su`tasya' |
saa`dhoH pi'ba pratikaa`maM yathaa' te` rasaa'shiraH pratha`maM so`myasya' || {3}{048}{01}
yaj jaaya'thaa`s tad aha'r asya` kaame' .a`MshoH pii`yuuSha'm apibo giri`ShThaam |
taM te' maa`taa pari` yoShaa` jani'trii ma`haH pi`tur dama` aasi'~nca`d agre' || {3}{048}{02}
u`pa`sthaaya' maa`tara`m anna'm aiTTa ti`gmam a'pashyad a`bhi soma`m uudhaH' |
pra`yaa`vaya'nn acara`d gR^itso' a`nyaan ma`haani' cakre puru`dhapra'tiikaH || {3}{048}{03}
u`gras tu'raa`ShaaL a`bhibhuu'tyojaa yathaava`shaM ta`nvaM cakra e`ShaH |
tvaShTaa'ra`m indro' ja`nuShaa'bhi`bhuuyaa`muShyaa` soma'm apibac ca`muuShu' || {3}{048}{04}
shu`naM hu'vema ma`ghavaa'na`m indra'm a`smin bhare` nR^ita'maM` vaaja'saatau |
shR^i`Nvanta'm u`gram uu`taye' sa`matsu` ghnantaM' vR^i`traaNi' saM`jitaM` dhanaa'naam || {3}{048}{05}


(283)
shaMsaa' ma`haam indraM` yasmi`n vishvaa` aa kR^i`ShTayaH' soma`paaH kaama`m avya'n |
yaM su`kratuM' dhi`ShaNe' vibhvata`ShTaM gha`naM vR^i`traaNaaM' ja`naya'nta de`vaaH || {3}{049}{01}
yaM nu nakiH` pR^ita'naasu sva`raajaM' dvi`taa tara'ti` nR^ita'maM hari`ShThaam |
i`nata'maH` satva'bhi`r yo ha' shuu`ShaiH pR^i'thu`jrayaa' aminaa`d aayu`r dasyoH' || {3}{049}{02}
sa`haavaa' pR^i`tsu ta`raNi`r naarvaa' vyaana`shii roda'sii me`hanaa'vaan |
bhago` na kaa`re havyo' matii`naam pi`teva` caaruH' su`havo' vayo`dhaaH || {3}{049}{03}
dha`rtaa di`vo raja'sas pR^i`ShTa uu`rdhvo ratho` na vaa`yur vasu'bhir ni`yutvaa'n |
kSha`paaM va`staa ja'ni`taa suurya'sya` vibha'ktaa bhaa`gaM dhi`ShaNe'va` vaaja'm || {3}{049}{04}
shu`naM hu'vema ma`ghavaa'na`m indra'm a`smin bhare` nR^ita'maM` vaaja'saatau |
shR^i`Nvanta'm u`gram uu`taye' sa`matsu` ghnantaM' vR^i`traaNi' saM`jitaM` dhanaa'naam || {3}{049}{05}


(284)
indraH` svaahaa' pibatu` yasya` soma' aa`gatyaa` tumro' vR^iSha`bho ma`rutvaa'n |
oru`vyacaaH' pR^iNataam e`bhir annai`r aasya' ha`vis ta`nvakp H kaama'm R^idhyaaH || {3}{050}{01}
aa te' sapa`ryuu ja`vase' yunajmi` yayo`r anu' pra`divaH' shru`ShTim aavaH' |
i`ha tvaa' dheyu`r hara'yaH sushipra` pibaa` tv akp sya suShu'tasya` caaroH' || {3}{050}{02}
gobhi'r mimi`kShuM da'dhire supaa`ram indraM` jyaiShThyaa'ya` dhaaya'se gR^iNaa`naaH |
ma`ndaa`naH soma'm papi`vaam+ R^i'jiiShi`n sam a`smabhya'm puru`dhaa gaa i'ShaNya || {3}{050}{03}
i`maM kaama'm mandayaa` gobhi`r ashvai'sh ca`ndrava'taa` raadha'saa pa`pratha'sh ca |
sva`ryavo' ma`tibhi`s tubhyaM` vipraa` indraa'ya` vaahaH' kushi`kaaso' akran || {3}{050}{04}
shu`naM hu'vema ma`ghavaa'na`m indra'm a`smin bhare` nR^ita'maM` vaaja'saatau |
shR^i`Nvanta'm u`gram uu`taye' sa`matsu` ghnantaM' vR^i`traaNi' saM`jitaM` dhanaa'naam || {3}{050}{05}


(285)
ca`rSha`Nii`dhR^ita'm ma`ghavaa'nam u`kthyakp m indraM` giro' bR^iha`tiir a`bhy anuuShata |
vaa`vR^i`dhaa`nam pu'ruhuu`taM su'vR^i`ktibhi`r ama'rtyaM` jara'maaNaM di`ve-di've || {3}{051}{01}
sha`takra'tum arNa`vaM shaa`kinaM` naraM` giro' ma` indra`m upa' yanti vi`shvataH' |
vaa`ja`sani'm puu`rbhidaM` tuurNi'm a`pturaM' dhaama`saaca'm abhi`ShaacaM' sva`rvida'm || {3}{051}{02}
aa`ka`re vaso'r jari`taa pa'nasyate .ane`hasa` stubha` indro' duvasyati |
vi`vasva'taH` sada'na` aa hi pi'pri`ye sa'traa`saaha'm abhimaati`hanaM' stuhi || {3}{051}{03}
nR^i`Naam u' tvaa` nR^ita'maM gii`rbhir u`kthair a`bhi pra vii`ram a'rcataa sa`baadhaH' |
saM saha'se purumaa`yo ji'hiite` namo' asya pra`diva` eka' iishe || {3}{051}{04}
puu`rviir a'sya ni`ShShidho` martye'Shu pu`ruu vasuu'ni pR^ithi`vii bi'bharti |
indraa'ya` dyaava` oSha'dhiir u`taapo' ra`yiM ra'kShanti jii`rayo` vanaa'ni || {3}{051}{05}
tubhya`m brahmaa'Ni` gira' indra` tubhyaM' sa`traa da'dhire harivo ju`Shasva' |
bo`dhy aaKp pir ava'so` nuuta'nasya` sakhe' vaso jari`tR^ibhyo` vayo' dhaaH || {3}{051}{06}
indra' marutva i`ha paa'hi` somaM` yathaa' shaaryaa`te api'baH su`tasya' |
tava` praNii'tii` tava' shuura` sharma`nn aa vi'vaasanti ka`vayaH' suya`j~naaH || {3}{051}{07}
sa vaa'vashaa`na i`ha paa'hi` soma'm ma`rudbhi'r indra` sakhi'bhiH su`taM naH' |
jaa`taM yat tvaa` pari' de`vaa abhuu'Shan ma`he bharaa'ya puruhuuta` vishve' || {3}{051}{08}
a`ptuurye' maruta aa`pir e`Sho .a'manda`nn indra`m anu` daati'vaaraaH |
tebhiH' saa`kam pi'batu vR^itrakhaa`daH su`taM somaM' daa`shuShaH` sve sa`dhasthe' || {3}{051}{09}
i`daM hy anv oja'saa su`taM raa'dhaanaam pate |
pibaa` tv akp sya gi'rvaNaH || {3}{051}{10}
yas te` anu' sva`dhaam asa't su`te ni ya'cCha ta`nvam |
sa tvaa' mamattu so`myam || {3}{051}{11}
pra te' ashnotu ku`kShyoH prdra` brahma'Naa` shiraH' |
pra baa`huu shuu'ra` raadha'se || {3}{051}{12}


(286)
dhaa`naava'ntaM kara`mbhiNa'm apuu`pava'ntam u`kthina'm |
indra' praa`tar ju'Shasva naH || {3}{052}{01}
pu`ro`Laasha'm paca`tyaM ju`Shasve`ndraa gu'rasva ca |
tubhyaM' ha`vyaani' sisrate || {3}{052}{02}
pu`ro`LaashaM' ca no` ghaso' jo`Shayaa'se` gira'sh ca naH |
va`dhuu`yur i'va` yoSha'Naam || {3}{052}{03}
pu`ro`LaashaM' sanashruta praataHsaa`ve ju'Shasva naH |
indra` kratu`r hi te' bR^i`han || {3}{052}{04}
maadhyaM'dinasya` sava'nasya dhaa`naaH pu'ro`Laasha'm indra kR^iShve`ha caaru'm |
pra yat sto`taa ja'ri`taa tuurNya'rtho vR^iShaa`yamaa'Na` upa' gii`rbhir iiTTe' || {3}{052}{05}
tR^i`tiiye' dhaa`naaH sava'ne puruShTuta puro`Laasha`m aahu'tam maamahasva naH |
R^i`bhu`mantaM` vaaja'vantaM tvaa kave` praya'svanta` upa' shikShema dhii`tibhiH' || {3}{052}{06}
puu`Sha`Nvate' te cakR^imaa kara`mbhaM hari'vate` harya'shvaaya dhaa`naaH |
a`puu`pam a'ddhi` saga'No ma`rudbhiH` soma'm piba vR^itra`haa shuu'ra vi`dvaan || {3}{052}{07}
prati' dhaa`naa bha'rata` tuuya'm asmai puro`LaashaM' vii`rata'maaya nR^i`Naam |
di`ve-di've sa`dR^ishii'r indra` tubhyaM` vardha'ntu tvaa soma`peyaa'ya dhR^iShNo || {3}{052}{08}


(287)
indraa'parvataa bR^iha`taa rathe'na vaa`miir iSha` aa va'hataM su`viiraaH' |
vii`taM ha`vyaany a'dhva`reShu' devaa` vardhe'thaaM gii`rbhir iLa'yaa` mada'ntaa || {3}{053}{01}
tiShThaa` su ka'm maghava`n maa paraa' gaaH` soma'sya` nu tvaa` suShu'tasya yakShi |
pi`tur na pu`traH sica`m aa ra'bhe ta` indra` svaadi'ShThayaa gi`raa sha'ciivaH || {3}{053}{02}
shaMsaa'vaadhvaryo` prati' me gR^iNii`hiindraa'ya` vaahaH' kR^iNavaava` juShTa'm |
edam ba`rhir yaja'maanasya sii`daathaa' ca bhuud u`ktham indraa'ya sha`stam || {3}{053}{03}
jaa`yed asta'm maghava`n sed u` yoni`s tad it tvaa' yu`ktaa hara'yo vahantu |
ya`daa ka`daa ca' su`navaa'ma` soma'm a`gniSh Tvaa' duu`to dha'nvaa`ty acCha' || {3}{053}{04}
paraa' yaahi maghava`nn aa ca' yaa`hiindra' bhraatar ubha`yatraa' te` artha'm |
yatraa` ratha'sya bR^iha`to ni`dhaanaM' vi`moca'naM vaa`jino` raasa'bhasya || {3}{053}{05}
apaaH` soma`m asta'm indra` pra yaa'hi kalyaa`Niir jaa`yaa su`raNaM' gR^i`he te' |
yatraa` ratha'sya bR^iha`to ni`dhaanaM' vi`moca'naM vaa`jino` dakShi'Naavat || {3}{053}{06}
i`me bho`jaa a~Ngi'raso` viruu'paa di`vas pu`traaso` asu'rasya vii`raaH |
vi`shvaami'traaya` dada'to ma`ghaani' sahasrasaa`ve pra ti'ranta` aayuH' || {3}{053}{07}
ruu`paM-ruu'pam ma`ghavaa' bobhaviiti maa`yaaH kR^i'Nvaa`nas ta`nvakp m pari` svaam |
trir yad di`vaH pari' muhuu`rtam aagaa`t svair mantrai`r anR^i'tupaa R^i`taavaa' || {3}{053}{08}
ma`haam+ R^iShi'r deva`jaa de`vajuu`to .a'stabhnaa`t sindhu'm arNa`vaM nR^i`cakShaaH' |
vi`shvaami'tro` yad ava'hat su`daasa`m apri'yaayata kushi`kebhi`r indraH' || {3}{053}{09}
haM`saa i'va kR^iNutha` shloka`m adri'bhi`r mada'nto gii`rbhir a'dhva`re su`te sacaa' |
de`vebhi'r vipraa R^iShayo nR^icakShaso` vi pi'badhvaM kushikaaH so`myam madhu' || {3}{053}{10}
upa` preta' kushikaash ce`taya'dhva`m ashvaM' raa`ye pra mu'~ncataa su`daasaH' |
raajaa' vR^i`traM ja'~Nghana`t praag apaa`g uda`g athaa' yajaate` vara` aa pR^i'thi`vyaaH || {3}{053}{11}
ya i`me roda'sii u`bhe a`ham indra`m atu'ShTavam |
vi`shvaami'trasya rakShati` brahme`dam bhaara'taM` jana'm || {3}{053}{12}
vi`shvaami'traa araasata` brahmdraa'ya va`jriNe' |
kara`d in naH' su`raadha'saH || {3}{053}{13}
kiM te' kR^iNvanti` kiika'TeShu` gaavo` naashiraM' du`hre na ta'panti gha`rmam |
aa no' bhara` prama'gandasya` vedo' naicaashaa`kham ma'ghavan randhayaa naH || {3}{053}{14}
sa`sa`rpa`riir ama'ti`m baadha'maanaa bR^i`han mi'maaya ja`mada'gnidattaa |
aa suurya'sya duhi`taa ta'taana` shravo' de`veShv a`mR^ita'm aju`ryam || {3}{053}{15}
sa`sa`rpa`riir a'bhara`t tuuya'm e`bhyo .a'dhi` shravaH` paa~nca'janyaasu kR^i`ShTiShu' |
saa pa`kShyaaKp navya`m aayu`r dadhaa'naa` yaam me' palastijamada`gnayo' da`duH || {3}{053}{16}
sthi`rau gaavau' bhavataaM vii`Lur akSho` meShaa vi va'rhi` maa yu`gaM vi shaa'ri |
indraH' paata`lye dadataaM` sharii'to`r ari'ShTaneme a`bhi naH' sacasva || {3}{053}{17}
balaM' dhehi ta`nuuShu' no` bala'm indraana`Lutsu' naH |
balaM' to`kaaya` tana'yaaya jii`vase` tvaM hi ba'la`daa asi' || {3}{053}{18}
a`bhi vya'yasva khadi`rasya` saara`m ojo' dhehi spanda`ne shiM`shapaa'yaam |
akSha' viiLo viiLita vii`Laya'sva` maa yaamaa'd a`smaad ava' jiihipo naH || {3}{053}{19}
a`yam a`smaan vana`spati`r maa ca` haa maa ca' riiriShat |
sva`sty aa gR^i`hebhya` aava`saa aa vi`moca'naat || {3}{053}{20}
indro`tibhi'r bahu`laabhi'r no a`dya yaa'cChre`ShThaabhi'r maghava~n Chuura jinva |
yo no` dveShTy adha'raH` sas pa'diiShTa` yam u' dvi`Shmas tam u' praa`No ja'haatu || {3}{053}{21}
pa`ra`shuM ci`d vi ta'pati shimba`laM ci`d vi vR^i'shcati |
u`khaa ci'd indra` yeSha'ntii` praya'staa` pha'm asyati || {3}{053}{22}
na saaya'kasya cikite janaaso lo`dhaM na'yanti` pashu` manya'maanaaH |
naavaa'jinaM vaa`jinaa' haasayanti` na ga'rda`bham pu`ro ashvaa'n nayanti || {3}{053}{23}
i`ma i'ndra bhara`tasya' pu`traa a'papi`tvaM ci'kitu`r na pra'pi`tvam |
hi`nvanty ashva`m ara'NaM` na nityaM` jyaavaaja`m pari' Nayanty aa`jau || {3}{053}{24}


(288)
i`mam ma`he vi'da`thyaaya shuu`ShaM shashva`t kR^itva` iiDyaa'ya` pra ja'bhruH |
shR^i`Notu' no` damye'bhi`r anii'kaiH shR^i`Notv a`gnir di`vyair aja'sraH || {3}{054}{01}
mahi' ma`he di`ve a'rcaa pR^ithi`vyai kaamo' ma i`cCha~n ca'rati prajaa`nan |
yayo'r ha` stome' vi`dathe'Shu de`vaaH sa'pa`ryavo' maa`daya'nte` sacaa`yoH || {3}{054}{02}
yu`vor R^i`taM ro'dasii sa`tyam a'stu ma`he Shu NaH' suvi`taaya` pra bhuu'tam |
i`daM di`ve namo' agne pR^ithi`vyai sa'pa`ryaami` praya'saa` yaami` ratna'm || {3}{054}{03}
u`to hi vaa'm puu`rvyaa aa'vivi`dra R^itaa'varii rodasii satya`vaacaH' |
nara'sh cid vaaM sami`the shuura'saatau vavandi`re pR^i'thivi` vevi'daanaaH || {3}{054}{04}
ko a`ddhaa ve'da` ka i`ha pra vo'cad de`vaam+ acChaa' pa`thyaaKp kaa sam e'ti |
dadR^i'shra eShaam ava`maa sadaaM'si` pare'Shu` yaa guhye'Shu vra`teShu' || {3}{054}{05}
ka`vir nR^i`cakShaa' a`bhi Shii'm acaShTa R^i`tasya` yonaa` vighR^i'te` mada'ntii |
naanaa' cakraate` sada'naM` yathaa` veH sa'maa`na` kratu'naa saMvidaa`ne || {3}{054}{06}
sa`maa`nyaa viyu'te duu`rea'nte dhru`ve pa`de ta'sthatur jaaga`ruuke' |
u`ta svasaa'raa yuva`tii bhava'ntii` aad u' bruvaate mithu`naani` naama' || {3}{054}{07}
vishved e`te jani'maa` saM vi'vikto ma`ho de`vaan bibhra'tii` na vya'thete |
eja'd dhru`vam pa'tyate` vishva`m ekaM` cara't pata`tri viShu'NaM` vi jaa`tam || {3}{054}{08}
sanaa' puraa`Nam adhy e'my aa`raan ma`haH pi`tur ja'ni`tur jaa`mi tan naH' |
de`vaaso` yatra' pani`taara` evai'r u`rau pa`thi vyute ta`sthur a`ntaH || {3}{054}{09}
i`maM stomaM' rodasii` pra bra'viimy R^iduu`daraaH' shR^iNavann agniji`hvaaH |
mi`traH sa`mraajo` varu'No` yuvaa'na aadi`tyaasaH' ka`vayaH' paprathaa`naaH || {3}{054}{10}
hira'NyapaaNiH savi`taa su'ji`hvas trir aa di`vo vi`dathe` patya'maanaH |
de`veShu' ca savitaH` shloka`m ashre`r aad a`smabhya`m aa su'va sa`rvataa'tim || {3}{054}{11}
su`kR^it su'paa`NiH svavaa'm+ R^i`taavaa' de`vas tvaShTaava'se` taani' no dhaat |
puu`Sha`Nvanta' R^ibhavo maadayadhvam uu`rdhvagraa'vaaNo adhva`ram a'taShTa || {3}{054}{12}
vi`dyudra'thaa ma`ruta' R^iShTi`manto' di`vo maryaa' R^i`tajaa'taa a`yaasaH' |
sara'svatii shR^iNavan ya`j~niyaa'so` dhaataa' ra`yiM sa`havii'raM turaasaH || {3}{054}{13}
viShNuM` stomaa'saH puruda`smam a`rkaa bhaga'syeva kaa`riNo` yaama'ni gman |
u`ru`kra`maH ka'ku`ho yasya' puu`rviir na ma'rdhanti yuva`tayo` jani'triiH || {3}{054}{14}
indro` vishvai'r viiryaaiH` patya'maana u`bhe aa pa'prau` roda'sii mahi`tvaa |
pu`raM`da`ro vR^i'tra`haa dhR^i`ShNuShe'NaH saM`gR^ibhyaa' na` aa bha'raa` bhuuri' pa`shvaH || {3}{054}{15}
naasa'tyaa me pi`taraa' bandhu`pR^icChaa' sajaa`tyam a`shvino`sh caaru` naama' |
yu`vaM hi stho ra'yi`dau no' rayii`NaaM daa`traM ra'kShethe` aka'vai`r ada'bdhaa || {3}{054}{16}
ma`hat tad vaH' kavaya`sh caaru` naama` yad dha' devaa` bhava'tha` vishva` indre' |
sakha' R^i`bhubhiH' puruhuuta pri`yebhi'r i`maaM dhiyaM' saa`taye' takShataa naH || {3}{054}{17}
a`rya`maa No` adi'tir ya`j~niyaa`so .a'dabdhaani` varu'Nasya vra`taani' |
yu`yota' no anapa`tyaani` gantoH' pra`jaavaa'n naH pashu`maam+ a'stu gaa`tuH || {3}{054}{18}
de`vaanaaM' duu`taH pu'ru`dha prasuu`to .a'naagaan no vocatu sa`rvataa'taa |
shR^i`Notu' naH pR^ithi`vii dyaur u`taapaH` suuryo` nakSha'trair u`rv akp ntari'kSham || {3}{054}{19}
shR^i`Nvantu' no` vR^iSha'NaH` parva'taaso dhru`vakShe'maasa` iLa'yaa` mada'ntaH |
aa`di`tyair no` adi'tiH shR^iNotu` yacCha'ntu no ma`rutaH` sharma' bha`dram || {3}{054}{20}
sadaa' su`gaH pi'tu`maam+ a'stu` panthaa` madhvaa' devaa` oSha'dhiiH` sam pi'pR^ikta |
bhago' me agne sa`khye na mR^i'dhyaa` ud raa`yo a'shyaaM` sada'nam puru`kShoH || {3}{054}{21}
svada'sva ha`vyaa sam iSho' didiihy asma`dryakp k sam mi'miihi` shravaaM'si |
vishvaa'm+ agne pR^i`tsu taa~n je'Shi` shatruu`n ahaa` vishvaa' su`manaa' diidihii naH || {3}{054}{22}


(289)
u`ShasaH` puurvaa` adha` yad vyuu`Shur ma`had vi ja'j~ne a`kShara'm pa`de goH |
vra`taa de`vaanaa`m upa` nu pra`bhuuSha'n ma`had de`vaanaa'm asura`tvam eka'm || {3}{055}{01}
mo Shuu No` atra' juhuranta de`vaa maa puurve' agne pi`taraH' pada`j~naaH |
pu`raa`NyoH sadma'noH ke`tur a`ntar ma`had de`vaanaa'm asura`tvam eka'm || {3}{055}{02}
vi me' puru`traa pa'tayanti` kaamaaH` shamy acChaa' diidye puu`rvyaaNi' |
sami'ddhe a`gnaav R^i`tam id va'dema ma`had de`vaanaa'm asura`tvam eka'm || {3}{055}{03}
sa`maa`no raajaa` vibhR^i'taH puru`traa shaye' sha`yaasu` prayu'to` vanaanu' |
a`nyaa va`tsam bhara'ti` kSheti' maa`taa ma`had de`vaanaa'm asura`tvam eka'm || {3}{055}{04}
aa`kShit puurvaa`sv apa'raa anuu`rut sa`dyo jaa`taasu` taru'NiiShv a`ntaH |
a`ntarva'tiiH suvate` apra'viitaa ma`had de`vaanaa'm asura`tvam eka'm || {3}{055}{05}
sha`yuH pa`rastaa`d adha` nu dvi'maa`taaba'ndha`nash ca'rati va`tsa ekaH' |
mi`trasya` taa varu'Nasya vra`taani' ma`had de`vaanaa'm asura`tvam eka'm || {3}{055}{06}
dvi`maa`taa hotaa' vi`dathe'Shu sa`mraaL anv agraM` cara'ti` kSheti' bu`dhnaH |
pra raNyaa'ni raNya`vaaco' bharante ma`had de`vaanaa'm asura`tvam eka'm || {3}{055}{07}
shuura'syeva` yudhya'to anta`masya' pratii`ciinaM' dadR^ishe` vishva'm aa`yat |
a`ntar ma`tish ca'rati ni`ShShidhaM` gor ma`had de`vaanaa'm asura`tvam eka'm || {3}{055}{08}
ni ve'veti pali`to duu`ta aa'sv a`ntar ma`haaMsh ca'rati roca`na' |
vapuuM'Shi` bibhra'd a`bhi no` vi ca'ShTe ma`had de`vaanaa'm asura`tvam eka'm || {3}{055}{09}
viShNu'r go`paaH pa'ra`mam paa'ti` paathaH' pri`yaa dhaamaa'ny a`mR^itaa` dadhaa'naH |
a`gniSh Taa vishvaa` bhuva'naani veda ma`had de`vaanaa'm asura`tvam eka'm || {3}{055}{10}
naanaa' cakraate ya`myaaKp vapuuM'Shi` tayo'r a`nyad roca'te kR^i`ShNam a`nyat |
shyaavii' ca` yad aru'Shii ca` svasaa'rau ma`had de`vaanaa'm asura`tvam eka'm || {3}{055}{11}
maa`taa ca` yatra' duhi`taa ca' dhe`nuu sa'ba`rdughe' dhaa`paye'te samii`cii |
R^i`tasya` te sada'siiLe a`ntar ma`had de`vaanaa'm asura`tvam eka'm || {3}{055}{12}
a`nyasyaa' va`tsaM ri'ha`tii mi'maaya` kayaa' bhu`vaa ni da'dhe dhe`nur uudhaH' |
R^i`tasya` saa paya'saapinva`teLaa' ma`had de`vaanaa'm asura`tvam eka'm || {3}{055}{13}
padyaa' vaste puru`ruupaa` vapuuM'Shy uu`rdhvaa ta'sthau` tryaviM` reri'haaNaa |
R^i`tasya` sadma` vi ca'raami vi`dvaan ma`had de`vaanaa'm asura`tvam eka'm || {3}{055}{14}
pa`de i'va` nihi'te da`sme a`ntas tayo'r a`nyad guhya'm aa`vir a`nyat |
sa`dhrii`cii`naa pa`thyaaKp saa viShuu'cii ma`had de`vaanaa'm asura`tvam eka'm || {3}{055}{15}
aa dhe`navo' dhunayantaa`m ashi'shviiH saba`rdughaaH' shasha`yaa apra'dugdhaaH |
navyaa'-navyaa yuva`tayo` bhava'ntiir ma`had de`vaanaa'm asura`tvam eka'm || {3}{055}{16}
yad a`nyaasu' vR^iSha`bho rora'viiti` so a`nyasmi'n yuu`the ni da'dhaati` retaH' |
sa hi kShapaa'vaa`n sa bhagaH` sa raajaa' ma`had de`vaanaa'm asura`tvam eka'm || {3}{055}{17}
vii`rasya` nu svashvyaM' janaasaH` pra nu vo'caama vi`dur a'sya de`vaaH |
Sho`Lhaa yu`ktaaH pa~nca'-pa`~ncaa va'hanti ma`had de`vaanaa'm asura`tvam eka'm || {3}{055}{18}
de`vas tvaShTaa' savi`taa vi`shvaruu'paH pu`poSha' pra`jaaH pu'ru`dhaa ja'jaana |
i`maa ca` vishvaa` bhuva'naany asya ma`had de`vaanaa'm asura`tvam eka'm || {3}{055}{19}
ma`hii sam ai'rac ca`mvaa samii`cii u`bhe te a'sya` vasu'naa` nyR^iShTe |
shR^i`Nve vii`ro vi`ndamaa'no` vasuu'ni ma`had de`vaanaa'm asura`tvam eka'm || {3}{055}{20}
i`maaM ca' naH pR^ithi`viiM vi`shvadhaa'yaa` upa' kSheti hi`tami'tro` na raajaa' |
pu`raH`sadaH' sharma`sado` na vii`raa ma`had de`vaanaa'm asura`tvam eka'm || {3}{055}{21}
ni`ShShidhva'riis ta` oSha'dhiir u`taapo' ra`yiM ta' indra pR^ithi`vii bi'bharti |
sakhaa'yas te vaama`bhaajaH' syaama ma`had de`vaanaa'm asura`tvam eka'm || {3}{055}{22}


(290)
na taa mi'nanti maa`yino` na dhiiraa' vra`taa de`vaanaa'm pratha`maa dhru`vaaNi' |
na roda'sii a`druhaa' ve`dyaabhi`r na parva'taa ni`name' tasthi`vaaMsaH' || {3}{056}{01}
ShaD bhaa`raam+ eko` aca'ran bibharty R^i`taM varShi'ShTha`m upa` gaava` aaguH' |
ti`sro ma`hiir upa'raas tasthu`r atyaa` guhaa` dve nihi'te` darshy ekaa' || {3}{056}{02}
tri`paa`ja`syo vR^i'Sha`bho vi`shvaruu'pa u`ta tryu`dhaa pu'ru`dha pra`jaavaa'n |
trya`nii`kaH pa'tyate` maahi'naavaa`n sa re'to`dhaa vR^i'Sha`bhaH shashva'tiinaam || {3}{056}{03}
a`bhiika' aasaam pada`viir a'bodhy aadi`tyaanaa'm ahve` caaru` naama' |
aapa'sh cid asmaa aramanta de`viiH pR^itha`g vraja'ntiiH` pari' Shiim avR^i~njan || {3}{056}{04}
trii Sha`dhasthaa' sindhava`s triH ka'vii`naam u`ta tri'maa`taa vi`dathe'Shu sa`mraaT |
R^i`taava'rii`r yoSha'Naas ti`sro apyaa`s trir aa di`vo vi`dathe` patya'maanaaH || {3}{056}{05}
trir aa di`vaH sa'vita`r vaaryaa'Ni di`ve-di'va` aa su'va` trir no` ahnaH' |
tri`dhaatu' raa`ya aa su'vaa` vasuu'ni` bhaga' traatar dhiShaNe saa`taye' dhaaH || {3}{056}{06}
trir aa di`vaH sa'vi`taa so'Shaviiti` raajaa'naa mi`traavaru'Naa supaa`Nii |
aapa'sh cid asya` roda'sii cid u`rvii ratna'm bhikShanta savi`tuH sa`vaaya' || {3}{056}{07}
trir u'tta`maa duu`Nashaa' roca`naani` trayo' raaja`nty asu'rasya vii`raaH |
R^i`taavaa'na iShi`raa duu`Labhaa'sa`s trir aa di`vo vi`dathe' santu de`vaaH || {3}{056}{08}


(291)
pra me' vivi`kvaam+ a'vidan manii`ShaaM dhe`nuM cara'ntii`m prayu'taa`m ago'paam |
sa`dyash ci`d yaa du'du`he bhuuri' dhaa`ser indra`s tad a`gniH pa'ni`taaro' asyaaH || {3}{057}{01}
indraH` su puu`Shaa vR^iSha'Naa su`hastaa' di`vo na prii`taaH sha'sha`yaM du'duhre |
vishve` yad a'syaaM ra`Naya'nta de`vaaH pra vo .a'tra vasavaH su`mnam a'shyaam || {3}{057}{02}
yaa jaa`mayo` vR^iShNa' i`cChanti' sha`ktiM na'ma`syantii'r jaanate` garbha'm asmin |
acChaa' pu`traM dhe`navo' vaavashaa`naa ma`hash ca'ranti` bibhra'taM` vapuuM'Shi || {3}{057}{03}
acChaa' vivakmi` roda'sii su`meke` graavNo' yujaa`no a'dhva`re ma'nii`Shaa |
i`maa u' te` mana've` bhuuri'vaaraa uu`rdhvaa bha'vanti darsha`taa yaja'traaH || {3}{057}{04}
yaa te' ji`hvaa madhu'matii sume`dhaa agne' de`veShuu`cyata' uruu`cii |
taye`ha vishvaa`m+ ava'se` yaja'traa`n aa saa'daya paa`yayaa' caa` madhuu'ni || {3}{057}{05}
yaa te' agne` parva'tasyeva` dhaaraasa'shcantii pii`paya'd deva ci`traa |
taam a`smabhya`m prama'tiM jaatavedo` vaso` raasva' suma`tiM vi`shvaja'nyaam || {3}{057}{06}


(292)
dhe`nuH pra`tnasya` kaamyaM` duhaa'naa`ntaH pu`trash ca'rati` dakShi'NaayaaH |
aa dyo'ta`niM va'hati shu`bhrayaa'mo`Shasa` stomo' a`shvinaa'v ajiigaH || {3}{058}{01}
su`yug va'hanti` prati' vaam R^i`to`rdhvaa bha'vanti pi`tare'va` medhaaH' |
jare'thaam a`smad vi pa`Ner ma'nii`ShaaM yu`vor ava'sh cakR^i`maa yaa'tam a`rvaak || {3}{058}{02}
su`yugbhi`r ashvaiH' su`vR^itaa` rathe'na` dasraa'v i`maM shR^i'NutaM` shloka`m adreH' |
kim a`~Nga vaa`m praty ava'rtiM` gami'ShThaa`hur vipraa'so ashvinaa puraa`jaaH || {3}{058}{03}
aa ma'nyethaa`m aa ga'taM` kac ci`d evai`r vishve` janaa'so a`shvinaa' havante |
i`maa hi vaaM` goR^i'jiikaa` madhuu'ni` pra mi`traaso` na da`dur u`sro agre' || {3}{058}{04}
ti`raH pu`ruu ci'd ashvinaa` rajaaM'sy aa~Nguu`Sho vaa'm maghavaanaa` jane'Shu |
eha yaa'tam pa`thibhi'r deva`yaanai`r dasraa'v i`me vaaM' ni`dhayo` madhuu'naam || {3}{058}{05}
pu`raa`Nam okaH' sa`khyaM shi`vaM vaaM' yu`vor na'raa` dravi'NaM ja`hnaavyaa'm |
punaH' kR^iNvaa`naaH sa`khyaa shi`vaani` madhvaa' madema sa`ha nuu sa'maa`naaH || {3}{058}{06}
ashvi'naa vaa`yunaa' yu`vaM su'dakShaa ni`yudbhi'Sh ca sa`joSha'saa yuvaanaa |
naasa'tyaa ti`roa'hnyaM juShaa`Naa soma'm pibatam a`sridhaa' sudaanuu || {3}{058}{07}
ashvi'naa` pari' vaa`m iShaH' puruu`ciir ii`yur gii`rbhir yata'maanaa` amR^i'dhraaH |
ratho' ha vaam R^ita`jaa adri'juutaH` pari` dyaavaa'pR^ithi`vii yaa'ti sa`dyaH || {3}{058}{08}
ashvi'naa madhu`Shutta'mo yu`vaakuH` soma`s tam paa'ta`m aa ga'taM duro`Ne |
ratho' ha vaa`m bhuuri` varpaH` kari'krat su`taava'to niShkR^i`tam aaga'miShThaH || {3}{058}{09}


(293)
mi`tro janaa'n yaatayati bruvaa`No mi`tro daa'dhaara pR^ithi`viim u`ta dyaam |
mi`traH kR^i`ShTiir ani'miShaa`bhi ca'ShTe mi`traaya' ha`vyaM ghR^i`tava'j juhota || {3}{059}{01}
pra sa mi'tra` marto' astu` praya'svaa`n yas ta' aaditya` shikSha'ti vra`ta' |
na ha'nyate` na jii'yate` tvoto` naina`m aMho' ashno`ty anti'to` na duu`raat || {3}{059}{02}
a`na`mii`vaasa` iLa'yaa` mada'nto mi`taj~na'vo` vari'ma`nn aa pR^i'thi`vyaaH |
aa`di`tyasya' vra`tam u'pakShi`yanto' va`yam mi`trasya' suma`tau syaa'ma || {3}{059}{03}
a`yam mi`tro na'ma`syaH su`shevo` raajaa' sukSha`tro a'janiShTa ve`dhaaH |
tasya' va`yaM su'ma`tau ya`j~niya`syaapi' bha`dre sau'mana`se syaa'ma || {3}{059}{04}
ma`haam+ aa'di`tyo nama'sopa`sadyo' yaata`yajja'no gR^iNa`te su`shevaH' |
tasmaa' e`tat panya'tamaaya` juShTa'm a`gnau mi`traaya' ha`vir aa ju'hota || {3}{059}{05}
mi`trasya' carShaNii`dhR^ito .a'vo de`vasya' saana`si |
dyu`mnaM ci`trashra'vastamam || {3}{059}{06}
a`bhi yo ma'hi`naa diva'm mi`tro ba`bhuuva' sa`prathaaH' |
a`bhi shravo'bhiH pR^ithi`viim || {3}{059}{07}
mi`traaya` pa~nca' yemire` janaa' a`bhiShTi'shavase |
sa de`vaan vishvaa'n bibharti || {3}{059}{08}
mi`tro de`veShv aa`yuShu` janaa'ya vR^i`ktaba'rhiShe |
iSha' i`ShTavra'taa akaH || {3}{059}{09}


(294)
i`heha' vo` mana'saa ba`ndhutaa' nara u`shijo' jagmur a`bhi taani` veda'saa |
yaabhi'r maa`yaabhiH` prati'juutivarpasaH` saudha'nvanaa ya`j~niya'm bhaa`gam aa'na`sha || {3}{060}{01}
yaabhiH` shacii'bhish cama`saam+ apiM'shata` yayaa' dhi`yaa gaam ari'Niita` carma'NaH |
ya` harii` mana'saa ni`rata'kShata` ta' deva`tvam R^i'bhavaH` sam aa'nasha || {3}{060}{02}
indra'sya sa`khyam R^i`bhavaH` sam aa'nashu`r mano`r napaa'to a`paso' dadhanvire |
sau`dha`nva`naaso' amR^ita`tvam eri're vi`ShTvii shamii'bhiH su`kR^itaH' sukR^i`tyayaa' || {3}{060}{03}
indre'Na yaatha sa`rathaM' su`te sacaa`m+ atho` vashaa'naam bhavathaa sa`ha shri`yaa |
na vaH' prati`mai su'kR^i`taani' vaaghataH` saudha'nvanaa R^ibhavo vii`ryaaNi ca || {3}{060}{04}
indra' R^i`bhubhi`r vaaja'vadbhiH` samu'kShitaM su`taM soma`m aa vR^i'Shasvaa` gabha'styoH |
dhi`yeShi`to ma'ghavan daa`shuSho' gR^i`he sau'dhanva`nebhiH' sa`ha ma'tsvaa` nR^ibhiH' || {3}{060}{05}
indra' R^ibhu`maan vaaja'vaan matsve`ha no' .a`smin sava'ne` shacyaa' puruShTuta |
i`maani` tubhyaM` svasa'raaNi yemire vra`taa de`vaanaa`m manu'Shash ca` dharma'bhiH || {3}{060}{06}
indra' R^i`bhubhi'r vaa`jibhi'r vaa`jaya'nn i`ha stomaM' jari`tur upa' yaahi ya`j~niya'm |
sha`taM kete'bhir iShi`rebhi'r aa`yave' sa`hasra'Niitho adhva`rasya` homa'ni || {3}{060}{07}


(295)
uSho` vaaje'na vaajini` prace'taa` stomaM' juShasva gR^iNa`to ma'ghoni |
pu`raa`Nii de'vi yuva`tiH puraM'dhi`r anu' vra`taM ca'rasi vishvavaare || {3}{061}{01}
uSho' de`vy ama'rtyaa` vi bhaa'hi ca`ndrara'thaa suu`nR^itaa' ii`raya'ntii |
aa tvaa' vahantu su`yamaa'so` ashvaa` hira'NyavarNaam pR^ithu`paaja'so` ye || {3}{061}{02}
uShaH' pratii`cii bhuva'naani` vishvo`rdhvaa ti'ShThasy a`mR^ita'sya ke`tuH |
sa`maa`nam arthaM' caraNii`yamaa'naa ca`kram i'va navya`sy aa va'vR^itsva || {3}{061}{03}
ava` syuume'va cinva`tii ma`ghony u`Shaa yaa'ti` svasa'rasya` patnii' |
svakp r jana'ntii su`bhagaa' su`daMsaa` aantaa'd di`vaH pa'pratha` aa pR^i'thi`vyaaH || {3}{061}{04}
acChaa' vo de`viim u`ShasaM' vibhaa`tiim pra vo' bharadhvaM` nama'saa suvR^i`ktim |
uu`rdhvam ma'dhu`dhaa di`vi paajo' ashre`t pra ro'ca`naa ru'ruce ra`NvasaM'dR^ik || {3}{061}{05}
R^i`taava'rii di`vo a`rkair a'bo`dhy aa re`vatii` roda'sii ci`tram a'sthaat |
aa`ya`tiim a'gna u`ShasaM' vibhaa`tiiM vaa`mam e'Shi` dravi'Na`m bhikSha'maaNaH || {3}{061}{06}
R^i`tasya' bu`dhna u`Shasaa'm iSha`Nyan vR^iShaa' ma`hii roda'sii` aa vi'vesha |
ma`hii mi`trasya` varu'Nasya maa`yaa ca`ndreva' bhaa`nuM vi da'dhe puru`traa || {3}{061}{07}


(296)
i`maa u' vaam bhR^i`mayo` manya'maanaa yu`vaava'te` na tujyaa' abhuuvan |
kvakp tyad i'ndraavaruNaa` yasho' vaaM` ya' smaa` sina`m bhara'thaH` sakhi'bhyaH || {3}{062}{01}
a`yam u' vaam puru`tamo' rayii`ya~n Cha'shvatta`mam ava'se johaviiti |
sa`joShaa'v indraavaruNaa ma`rudbhi'r di`vaa pR^i'thi`vyaa shR^i'NutaM` hava'm me || {3}{062}{02}
a`sme tad i'ndraavaruNaa` vasu' Shyaad a`sme ra`yir ma'rutaH` sarva'viiraH |
a`smaan varuu'triiH shara`Nair a'vantv a`smaan hotraa` bhaara'tii` dakShi'NaabhiH || {3}{062}{03}
bR^iha'spate ju`Shasva' no ha`vyaani' vishvadevya |
raasva` ratnaa'ni daa`shuShe' || {3}{062}{04}
shuci'm a`rkair bR^iha`spati'm adhva`reShu' namasyata |
anaa`my oja` aa ca'ke || {3}{062}{05}
vR^i`Sha`bhaM ca'rShaNii`naaM vi`shvaruu'pa`m adaa'bhyam |
bR^iha`spatiM` vare'Nyam || {3}{062}{06}
i`yaM te' puuShann aaghR^iNe suShTu`tir de'va` navya'sii |
a`smaabhi`s tubhyaM' shasyate || {3}{062}{07}
taaM ju'Shasva` gira`m mama' vaaja`yantii'm avaa` dhiya'm |
va`dhuu`yur i'va` yoSha'Naam || {3}{062}{08}
yo vishvaa`bhi vi`pashya'ti` bhuva'naa` saM ca` pashya'ti |
sa naH' puu`Shaavi`taa bhu'vat || {3}{062}{09}
tat sa'vi`tur vare'Nya`m bhargo' de`vasya' dhiimahi |
dhiyo` yo naH' praco`dayaa't || {3}{062}{10}
de`vasya' savi`tur va`yaM vaa'ja`yantaH` puraM'dhyaa |
bhaga'sya raa`tim ii'mahe || {3}{062}{11}
de`vaM naraH' savi`taaraM` vipraa' ya`j~naiH su'vR^i`ktibhiH' |
na`ma`syanti' dhi`yeShi`taaH || {3}{062}{12}
somo' jigaati gaatu`vid de`vaanaa'm eti niShkR^i`tam |
R^i`tasya` yoni'm aa`sada'm || {3}{062}{13}
somo' a`smabhyaM' dvi`pade` catu'Shpade ca pa`shave' |
a`na`mii`vaa iSha's karat || {3}{062}{14}
a`smaaka`m aayu'r va`rdhaya'nn a`bhimaa'tiiH` saha'maanaH |
somaH' sa`dhastha`m aasa'dat || {3}{062}{15}
aa no' mitraavaruNaa ghR^i`tair gavyuu'tim ukShatam |
madhvaa` rajaaM'si sukratuu || {3}{062}{16}
u`ru`shaMsaa' namo`vR^idhaa' ma`hnaa dakSha'sya raajathaH |
draaghi'ShThaabhiH shucivrataa || {3}{062}{17}
gR^i`Naa`naa ja`mada'gninaa` yonaa'v R^i`tasya' siidatam |
paa`taM soma'm R^itaavR^idhaa || {3}{062}{18}